Fiderana ny asan’Andriamanitra
1 Aleloia!
Sitrako ny midera an’i Iaveh amin’ny foko rehetra,
eo amin’ny fivorian’ny olo-marina sy ao amin’ny fiangonana.
2 Lehibe ny asan’i Iaveh;
katsahin’ny olona Izy noho ny hamamiana rehetra avy aminy.
3 Famirapiratana amam-pahamboniana avokoa ny asany,
ary maharitra mandrakizay ny fahamarinany.
4 Namela fahatsiarovana ny fahagagana nataony Izy;
mamindra fo sy miantra i Iaveh.
5 Nomeny haninaizay matahotra Azy;
tsaroany mandrakizay ny fanekeny.
6 Naharihariny tamin’ny vahoakany ny herin’ny asany,
tamin’ny nanolorany azy ny lovan’ny firenena.
7 Rariny amam-pahamarinana ny asan’ny tanany,
tsy mety miova ny didiny rehetra.
8 Voaorina mafy ho mandrakizay ireny,
fa natao tamim-pahamarinana amam-pahitsiana.
9 Nanatitra ny famonjenaho an’ny vahoakany Izy,
ary nanorina ny fanekeny ho mandrakizay.
Masina sy mahatahotra ny Anarany.
10 Ny fahatahorana an’i Iaveh no fiandohan’ny fahendrena;
manan-tsaina tokoa izay mitandrina ny didiny.
Maharitra mandrakizay ny fiderana Azy.