Category: 1Tantara

Ny niandohan’ireo antoko telo lehibe

1 I Adama, i Seta, i Enôsa,

2 i Kainàna, i Malaleela, i Jareda,

3 i Henoka, i Matosale, i Lameka,

4 i Nôe, i Sema, i Kama, i Jafeta.

Ireo taranak’i Jafeta

5 Zanak’i Jafeta: i Gômera, i Magôga, i Madaia, i Javàna, i Tobala, i Mosaoka, ary i Tirasa.

6 Zanak’i Gômera: i Aseneza, i Rifata, ary i Tôgorim.

7 Zanak’i Javàna: i Elisà, i Tarsisa, i Setima, ary i Dôdanima.

Ireo taranak’i Kama

8 Zanak’i Kama: i Kosa, i Mesraima, i Fota, i Kanaana.

9 Zanak’i Kosa: i Sabà, i Hevilà, i Sabata, i Regmà ary i Sabatakà. Zanak’i Regmà: i Sabà sy i Dadàna.

10 I Kosa niteraka an’i Nemrôda; izy ity no nanomboka nanam-pahefana teto ambonin’ny tany.

11 I Mesraima niteraka ny Lodima, ny Anamima, ny Laabima, ny Neftohìma,

12 ny Fetrôsima, ny Kaslihima izay niavian’ny Filistinina, sy ny Kaftôrima.

13 I Kanaàna niteraka an’i Sidona, lahimatoany, sy i Heta,

14 ary koa ny Jeboseanina, ny Amôreana, ny Jerzeseanina,

15 ny Heveanina, ny Arakeanina, ny Sineanina,

16 ny Aradianina, ny Samareanina, ny Hamateanina.

Ireo taranak’i Sema

17 Zanak’i Sema: i Elama, i Asora, i Arfaksada, i Loda, i Arana, i Hosa, i Hola, i Getera ary i Mosaoka.

18 I Arfaksada niteraka an’i Sale, ary i Sale niteraka an’i Hebera.

19 Roa no zanaka lahy naterak’i Hebera: ny anaran’ny anankiray dia Falega, fa tamin’ny androny no nizarana ny tany; ary ny anaran’ny rahalahiny kosa dia Jektàna.

20 Ny naterak’i Jektàna dia i Elmôdada, i Salefa, i Asarmota, i Jare,

21 i Adôrama, i Hozala, i Deklà,

22 i Hebala, i Abimaela, i Sabà,

23 i Ofira, i Hevilà ary i Jôbada. Izy rehetra ireo dia zanaka lahin’i Jektàna.

Hatramin’i Sema ka hatramin’i Abrahama

24 I Sema, i Arfaksada, i Sale,

25 i Hebera, i Falega, i Regao,

26 i Seroga, i Nakôra, i Tare,

27 i Abrama, izay hoe: Abrahama.

28 Zanak’i Abrahama; i Isaaka sy i Ismaely.

29 Ka izao no taranak’ireo:

Ny Ismaelita

I Nabaiôta, zanak’i Ismaely lahimatoa, i Sedara, i Abdeela, i Mabsana,

30 i Masmà, i Domà, i Masà, i Hadada, i Temà,

31 i Jetora, i Nafisa, i Kedmà. Ireo no zanaka lahin’i Ismaela.

32 Zanaka lahin’i Setorà, vaditsindranon’i Abrahama: ny naterany dia i Zamrama, i Jeksàna, i Madàna, i Madiàna, i Jesbaoka, ary i Soe. Zanak’i Jeksàna: i Sabà sy i Dadàna.

33 Zanak’i Madiàna: i Efah, i Efera, i Henoka, i Abidà, ary i Eldaà. Izy rehetra ireo dia zanak’i Setorà.

I Isaaka sy i Esao

34 I Abrahama niteraka an’i Isaaka. Zanak’i Isaaka: i Esao sy i Jakôba.

35 Zanak’i Esao: i Elifaza, i Rahoela, i Jehosa, i Ihelona ary i Kôre.

36 Zanak’i Elifaza: i Temàna, i Omara, i Sefè, i Gatàna, i Seneza, i Tamnà;

37 Zanak’i Rahoela: i Nahata, i Zarà, i Samà, ary i Mezà.

I Seira

38 Zanak’i Seirà: i Lôtàna, i Sobala, i Sebeôna, i Anà, i Sisôna, i Esera, ary i Disàna.

39 Zanak’i Lôtàna: i Hôri, sy i Hômama. Anabavin’i Lôtàna: i Thamnà.

40 Zanak’i Sobala: i Aliàna, i Manahata, i Ebala, i Sefà, ary i Omana. Zanak’i Sebôna: i Aià sy i Anà. Zanak’i Anà: i Disona.

41 Zanak’i Disona: i Hamràna, i Esebàna, i Jetràna, ary i Karàna.

42 Zanak’i Esera: i Balaàna, i Zavàna ary i Jakàna. Zanak’i Disàna: i Hosa sy i Aràna.

Ireo mpanjakan’i Edôma

43 Ireto no mpanjaka efa nanjaka tany amin’ny tany Edôma, talohan’ny nisian’ny mpanjaka nanjaka tamin’ny zanak’i Israely: i Bela, zanak’i Beôra, ary Denabà no anaran-tanànany.

44 Maty i Bela, ka i Jôbaba zanak’i Zare avy any Bôsrà no nanjaka nandimby azy.

45 Maty i Jôbaba, ka i Hosama avy any amin’ny tanin’ny Temanita no nanjaka nandimby azy.

46 Maty i Hosama, ka i Hadada zanak’i Badada no nanjaka nandimby azy; izy no nandresy ny Madianita tany amin’ny tanin’i Moaba. Avita no anaran-tanànany.

47 Maty i Hadada, ka i Semlà, avy any Masrekà no nanjaka nandimby azy.

48 Maty i Semlà, ka i Saola avy any Rohôbôta, amoron’ny Ony, no nanjaka nandimby azy.

49 Maty i Saola ka i Balanàna zanak’i Akobôra no nanjaka nandimby azy.

50 Maty i Balanàna ka i Hadada no nanjaka nandimby azy; Fao no anaran-tanànany, ary ny anaran’ny vadiny dia Meetabela, zanaka vavin’i Matreda, zanaka vavin’i Mezaaba.

Ireo loham-pianakavian’i Edôma

51 Ary maty i Hadada. Ny loham-pirenen’i Edôma dia ireto: i Tamnà loham-pirenena, i Alvà loham-pirenena, i Jeteta loham-pirenena,

52 i Ohôlibamà loham-pirenena, i Elà loham-pirenena,

53 i Finôna loham-pirenena, i Seneza loham-pirenena, i Temàna loham-pirenena, i Nabasa loham-pirenena,

54 i Magdiela loham-pirenena, i Hirama loham-pirenena. Ireo no loham-pirenen’i Edôma.

Ireo zanak’i Israely

1 Ireto no zanak’i Israely: i Robena, i Simeôna, i Levì, i Jodà, i Isakara, i Zabolôna,

2 i Dàna, i Josefa, i Benjamina, i Neftalì, i Gada, ary i Asera.

Ireo taranak’i Jodà

3 Zanak’i Jodà: i Hera, i Onàna, sy i Selà: izy telo lahy ireo no naterak’ilay zanaka vavin’i Soe, ilay vehivavy Kananeanina, taminy. I Hera lahimatoan’i Jodà dia ratsy fanahy teo imason’i Iaveh, ka nasiany ho faty.

4 I Thamara, vinanto vavin’i Jodà, niteraka an’i Faresa sy i Zarà taminy. Dimy ny lahy rehetra, zanak’i Jodà.

5 Zanak’i Faresa: i Hesrôna, sy i Hamola.

6 Zanak’i Zarà: i Zamrì, i Etàna, i Emàna, i Kalkala, ary i Darà: dimy lahy izy rehetra.

7 Zanak’i Karmì: i Akara izay nanahirana an’i Israely, tamin’ny fahadisoany momba ny zavatra natao anatema.

8 Zanak’i Etana: i Azariasa.

Ny niandohan’i Davida

9 Zanaka naterak’i Hesrôna: i Jerameela, i Ramà ary i Kaleba.

10 I Ramà niteraka an’i Aminadaba. I Aminadaba niteraka an’i Nahasôna, lohan’ny taranak’i Jodà.

11 I Nahasôna niteraka an’i Salmà, i Salmà niteraka an’i Booza,

12 I Booza niteraka an’i Obeda, i Obeda niteraka an’i Isaia,

13 i Isaia niteraka an’i Eliaba lahy matoany, i Abinadaba lahy aivo, i Simaà fahatelo,

14 i Natanaely fahefatra, i Radaia fahadimy,

15 i Asoma fahenina, ary i Davida fahafito.

16 Ny anabavin’ireo dia i Sarvià sy i Abigaila. Zanak’i Sarvià: i Abisaia, i Jôaba, i Asaela, telo lahy.

17 I Abigaila niteraka an’i Amasà, ary ny rain’i Amasà dia i Jetera, Ismaelita.

I Kaleba

18 I Kaleba zanak’i Esrôna, niteraka tamin’i Azobà vadiny, sy tamin’i Jeriôta. Indreto ny zanany lahy naterak’i Azobà taminy: i Jazera, i Sôbata, sy i Ardôna.

19 Ary maty i Azobà, ka naka an’i Efratà ho vady i Kaleba; io no niterahany an’i Hora.

20 I Hora niteraka an’i Orì, ary i Orì niteraka an’i Bezeleela.

21 Manaraka izany, niray tamin’ny zanaka vavin’i Makira, rain’i Galaada, i Hesrôna; efa enimpolo taona izy vao naka azy, ary niteraka an’i Segoba taminy, ravehivavy.

22 I Segoba niteraka an’i Jaira, izay nanana tanàna 23 tany amin’ny tany Galaada.

23 Nalain’ny Gesorianina sy ny Sirianina taminy ny vohitr’i Jaira, sy i Kanata mbamin’ny tanàna momba azy, tanàna enimpolo. Ireo rehetra ireo no zanaka lahin’i Makira, rain’i Galaada.

24 Efa maty tany Kaleba-Efrata, i Hesrôna, vao niteraka an’i Ashora rain’i Tekoa, tamin’i Abià vadiny.

I Jerameela

25 Ny zanaka lahin’i Jerameela lahy matoan’i Hesrôna dia: i Ramà lahy matoany, i Bonà, i Aràna, i Asoma, i Akià.

26 Nanambady hafa koa atao hoe i Atarà, i Jerameela; io no renin’i Onama.

27 Ny zanaka lahin-dRama lahimatoan’i Jerameela dia ireto: i Moosa, i Jamina, i Akora.

28 Ny zanaka lahin’i Semeià: i Nadaba sy i Abisora.

29 Ny anaram-badin’i Abisora dia i Abihaila, ary izy niteraka an’i Ahobàna, sy i Môlida taminy.

30 Zanakalahin’i Nadaba: i Saleda, sy i Afaima. Maty tsy niteraka i Saleda.

31 Zanaka lahin’i Afaima: I Jesì. Zanaka lahin’i Jesì: i Sesàna. Zanaka lahin’i Sesàna: i Oholaia.

32 Zanaka lahin’i Jadà, rahalahin’i Semeià: i Jetera sy i Jonatàna. Maty tsy niteraka i Jetera.

33 Zanaka lahin’i Jonatàna: i Faleta sy i Zizà. Ireo no zanaka lahin’i Jerameela.

34 Tsy nitera-dahy i Sesàna, fa nanan-janaka vavy izy. Nanana ankizy lahy Ejiptianina anankiray izy, atao hoe i Jeraà,

35 nomeny ho vadin’io ny zanany vavy, ka niteraka an’i Eteia taminy.

36 I Eteia niteraka an’i Natàna, i Natàna niteraka an’i Zabada.

37 I Zabada niteraka an’i Oflàla, i Oflàla niteraka an’i Obeda;

38 i Obeda niteraka an’i Jehò. I Jehò niteraka an’i Azariasa.

39 I Azariasa niteraka an’i Helesa, i Helesa niteraka an’i Elasà,

40 i Elasà niteraka an’i Sisamoia, i Sisamoia niteraka an’i Seloma,

41 i Seloma niteraka an’Ikamiasa ary i Ikamiasa niteraka an’i Elisamà.

I Kaleba

42 Zanaka lahin’i Kaleba rahalahin’i Jerameela: i Mesà, lahy matoany, rain’i Zifa, sy ny zanaka lahin’i Maresà, rain’i Hebrôna.

43 Zanaka lahin’i Hebrôna: i Kôre, i Tafoà, i Rekema, ary i Samà.

44 I Samà niteraka an-dRahama, rain’i Jerkaama; i Rekema niteraka an’i Samaia.

45 Zanaka lahin’i Samaia: i Maona, ary i Maona no rain’i Betsora.

46 I Efah vaditsindranon’i Kaleba, niteraka an’i Haràna, i Mosà ary i Gazeza. I Haràna niteraka an’i Gezea.

47 Zanaka lahin’i Jahadaia: i Regoma, i Joatana, i Gosàna, i Faleta, i Efah, ary i Saafa.

48 I Maakà vaditsindranon’i Kaleba niteraka an’i Sabera sy i Taranà.

49 Mbola niteraka an’i Saafa rain’i Madmenà, sy i Soe rain’i Makbenà sy rain’i Gabaà koa izy. Ary ny zanaka vavin’i Kaleba dia i Aksà.

50 Izao no zanaka lahin’i Kaleba.

I Hora

Zanaka lahin’i Hora, lahy matoan’i Efratà: i Sobala, rain’i Kariatiarima,

51 i Salmà rain’i Betlehema; i Harifa rain’i Betigadera.

52 Ny zanaka lahin’i Sobala, rain’i Kariatiarima dia: i Harôe, antsasaky ny Manaktiana.

53 Ny fokon’i Kariatiarima dia: ny Jetreanina, ny Afoteanina, ny Semateanina ary ny Masereanina. Avy amin’izy ireo no niavian’ny Sareanina sy ny Estaôlianina.

54 Zanaka lahin’i Salmà: i Betlehema sy ny Netofatianina, i Atarôta-Bety-Jôaba, ny antsasaky ny Manaktiana, ny Sareanina,

55 mbamin’ny fokon’ny mpanoratra monina any Jabesa, dia ny Tiratianina, ny Skomatianina, ary ny Sokatianina. Ireo no Kineanina avy amin’i Hamata, rain’ny fianakavian’i Rekaba.

Ireo zanak’i Davida

1 Ireto no zanaka lahin’i Davida naterany tany Hebrôna: i Amôna lahy matoa, zanak’i Akinôama, avy any Jezraela, i Daniela zanak’i Abigaila avy any Karmela, lahy aivo,

2 i Absalôma zanak’i Maakà, zanaka vavin’i Tolmaia mpanjakan’i Gesora, fahatelo; i Adoniasa zanak’i Hagita, fahefatra;

3 i Safatiasa zanak’i Abitala, fahadimy; i Jetraama zanak’i Eglà vadiny, fahenina.

4 Izy enin-dahy ireo no naterany tany Hebrôna, izay nanjakany fito taona sy enim-bolana.

5 Nanjaka tany Jerosalema 33 taona indray izy. Ary ireto no naterany tany Jerosalema: i Simaà, i Sôbaba, i Natàna, i Salômôna, efa-dahy, tamin’i Betsoe zanaka vavin’i Amiela;

6 i Jebaara, i Elisamà, i Elifalela,

7 i Nôge, i Nefega, i Jafia,

8 i Elisamà, i Eliadà, i Elifeleta: sivy.

9 Ireo no zanaka lahin’i Davida rehetra, fa ny zana-baditsindranony, tsy nisaina. Ary anabavin’ireo i Tamara.

Ireo mpanjakan’i Jodà

10 Zanaka lahin’i Salômôna: i Rôbôama; i Abiasa zanany, i Asà zanany, i Jôsafata zanany,

11 i Jôrama zanany, i Okoziasa zanany, i Jôasa zanany,

12 i Amaziasa zanany, i Azariasa zanany, i Joatama zanany,

13 i Akaza zanany, i Ezekiasa zanany, i Manase zanany,

14 i Amôna zanany, i Josiasa zanany.

15 Zanaka lahin’i Josiasa: i Johanàna no lahy matoa, i Jôakima no lahy aivo, i Sedesiasa no fahatelo, i Seloma no fahefatra.

16 Zanaka lahin’i Jôakima: i Jekôniasa zanany, i Sedesiasa zanany.

Ny taranaky ny mpanjaka taorian’ny sesitany

17 Zanaka lahin’i Jekôniasa: i Asira, i Salatiela zanany,

18 i Melkirama, i Fadaia, i Senezera, i Jesemiasa, i Samà, ary i Nadabiasa.

19 Zanaka lahin’i Fadaiasa: i Zôrôbabela sy i Semeià. Zanaka lahin’i Zôrôbabela: i Mosolama, i Hananiasa ary i Salômita, anabavin’ireo;

20 ary i Hasabàna, i Ohala, i Barakiasa, i Hasadiasa, i Josabeseda, dimy izy.

21 Zanaka lahin’i Hananiasa: i Faltiasa sy i Jeseiasa, ny zana-dRefaià, ny zanak’i Arnàna, ny zanak’i Obadià, ny zanak’i Sekeniasa.

22 Zanaka lahin’i Sekeniasa: i Semeià. Zanaka lahin’i Semeià: i Hatosa, i Jegaala, i Barià, i Naarià, i Safata, enina izy.

23 Zanaka lahin’i Naarià: i Eliôenaia, i Ezekiasa ary i Ezrikama, telo izy.

24 Zanaka lahin’i Eliôenaia: i Odoià, i Eliasoba, i Feleià, i Akoba, i Johanàna, i Dalaià, ary i Ananì: fito izy.

Zanak’i Jodà: i Sobala

1 Zanaka lahin’i Jodà: i Faresa, i Hesbôna, i Karmì, i Hora sy i Sobala.

2 I Raià zanaka lahin’i Sobala, niteraka an’i Jahata; i Jahata niteraka an’i Akamaia sy i Lahada. Ireo no fokon’i Sareanina.

I Hora

3 Izao avy no avy amin’ny rain’i Etama: i Jezrahela, i Jesema, sy i Jedebosa, ary Asalelfônì no anaran’ny anabavin’ireo.

4 I Fanoela no rain’i Gedôra, ary i Ezera no rain’i Hosa. Ireo no zanaka lahin’i Hora, lahy matoan’i Efrata, rain’i Betlehema.

I Asora

5 Nanambady roa i Asora, rain’i Tekôe, dia i Halaà sy i Naarà,

6 ka ny naterak’i Naarà taminy dia i Oozama, i Hefera, i Tenamì ary i Ahastarì: ireo no zanaka lahin’i Naarà.

7 Ny zanaka lahin’i Halaà dia i Sereta, i Isaara sy i Etnàna.

8 I Kaosa niteraka an’i Anoba sy i Sôbobà, ary ny fokon’i Aharehela, zanaka lahin’i Aroma.

9 Nomena haja noho ny rahalahiny i Jabesa ary nataon-dreniny hoe Jabesa ny anarany, fa hoy izy: «Nijaly aho no niteraka azy.»

10 Niantso ny Andriamanitr’i Israely i Jabesa nanao hoe: «Raha mitahy ahy Ianao, ka halalahinao ny faritaniko, ary momba ahy ny tananao, sy arovanao amin’ny loza aho mba tsy ho zoim-pahoriana…» Ary nomen’Andriamanitra azy izay nangatahiny.

I Kaleba

11 I Kaleba rahalahin’i Soà niteraka an’i Mahira, rain’i Estôna;

12 i Estôna niteraka ny fokon-dRafah, i Fese sy i Tehinà, rain’ny tanàna Naasa. Ireo no olona ao Rekah.

13 Zanaka lahin’i Seneza: i Otoniela, i Saraià. Zanaka lahin’i Otoniela: i Hatata sy i Maonatì.

14 I Maonatì niteraka an’i Ofrà; i Saraià niteraka an’i Jôaba, rain’ny ao an-dohasan’i Karaskima, fa mpiasa izy ireo.

15 Zanaka lahin’i Kaleba, zanak’i Jefone: i Hira, i Elà, ary i Nahama. Zanaka lahin’i Elà: i Seneza.

16 Zanaka lahin’i Jaleleela: i Zifa, i Zifà, i Tirià ary i Asraela.

17 Zanaka lahin’i Esrà: i Jetera, i Mereda, i Efera, ary i Jalôna. Ilay Ejiptianina novinadin’i Mereda, niteraka an’i Miriama sy i Samaì ary i Jesbà, rain’i Estamao.

18 Ilay vehivavy Jody vadiny anankiray, niteraka an’i Jareda, rain’i Gedôra, sy i Hebera rain’i Sôkô, ary i Ikotiela rain’i Zanôe. Ireo no zanaka lahin’i Betià zanaka vavin’i Faraôna, nalain’i Mereda ho vady.

19 Zanaka lahin’ny vadin’i Odaià, anabavin’i Nahama: ny rain’i Keilà, ilay Garmiànina, sy ny rain’i Estamao ilay Makatianina.

20 Zanaka lahin’i Simôna: i Amnôna, i Rinà, i Ben-Hanàna ary i Tilôna. Zanaka lahin’i Jesì: i Zôheta sy i Ben-Zôheta.

I Selà

21 Zanaka lahin’i Selà, zanak’i Jodà: I Hera rain’i Lekà; i Laadà rain’i Maresà sy ny fianakaviana amin’ny fokon’ny mpanao biso sy amin’ny fokon’i Askebea,

22 sy i Jôkima ary ny olona ao Kôzebà sy i Jôasa sy i Safara izay samy nanapaka tany Moaba, sy i Jaskôbi-Lemeka. Zavatra efa ela izany.

23 Ireo no mpanefy vilany sy mponina tany Netaima sy i Gederà, nonina teo anilan’ny mpanjaka izy, dia niasa ho azy.

I Simeôna

24 Zanaka lahin’i Simeôna: i Namoela, i Jamina, i Jariba, i Zarà, i Saola, i Seloma zanany,

25 i Mapsama zanany, i Masmà zanany.

26 Zanaka lahin’i Masmà: i Hamoela zanany, i Zakora zanany, i Semeì zanany.

27 I Semeì nanan-janaka 16 lahy sy enim-bavy, tsy nanan-janaka maro ny rahalahiny, ary tsy nitombo toy ny zanak’i Jodà ny fianakaviany rehetra.

28 Ny nonenan’izy ireo dia tao Bersabea, tao Môladà, tao Hasar-Soala,

29 tao Balà, tao Asoma, tao Tôlada,

30 tao Batoela, tao Hormà, tao Sikelega,

31 tao Bety-Markabôta, tao Hasar-Sosima, tao Bety-Beraì ary tao Saarima: ireo no tanànany aman-jana-bohiny, hatramin’ny andro nanjakan’i Davida.

32 Azy ireo koa i Etama, i Aena, i Remôna, i Tôkena sy i Asàna, tanàna dimy,

33 mbamin’ny zana-bohiny rehetra izay tao amin’ny manodidina an’ireo tanàna ireo, hatrany Baala. Ireo no fonenany, sy ny taratasy tetiaram-pirazanan’izy ireo.

34 I Môsôbaba, i Jemleka, i Jôsà, zanaka lahin’i Amasiasa,

35 i Joela, i Jehò, zanak’i Jôsabiasa, zanak’i Saraiasa, zanak’i Asiela,

36 i Eliôenaì, i Jakôba, i Isôhaià, i Asaià, i Adiela, i Ismiela, i Banaia,

37 i Zizà, zanak’i Sefeì, zanak’i Alôna, zanak’i Idaià, zanak’i Semrì, zanak’i Samaia.

38 Ireo lehilahy voatonona amin’ny anarany ireo, dia samy filohany amin’ny fianakaviany avy; nitombo fatratra ny fokom-pianakaviany,

39 ka nankany amin’ny hadilalan’i Gadôra izy, hatrany amin’ny ilany atsinanana amin’ny lohasaha, mba hitady tany fiandrasam-biby fiompiny.

40 Dia nahita tany fiandrasam-biby lonaka sy tsara izy, tany malalaka, mandry feizay sy miadana; taranak’i Khama ny mponina tao fahataloha.

41 Tamin’ny andron’i Ekeziasa, mpanjakan’i Jodà, no nahatongavan’ireo olona voasoratra anarana ireo. Noravany ny lain’izy ireo mbamin’ny Maônita hitany tao, ka nony efa nataony anatema mandrak’androany, dia izy ireo no nisolo toerana azy, nonina teo, satria nisy ahitra ho an’ny biby fiompiny tao.

42 Nisy taranak’i Simeôna koa, dimanjato lahy no isany, nankany amin’ny tendrombohitra Seira. I Faltiasa, i Naariasa, i Rafaiasa, ary i Oziela zanak’i Jesì, no filohan’ireo.

43 Nandresy ny Amalesita sisa afa-nandositra izy ireo dia niorim-ponenana teo mandrak’androany.

I Robena

1 Zanaka lahin-dRobenalahy matoan’i Israely. Fa izy no lahy matoa, saingy noho izy nandoto ny farafaran-drainy, dia nomena ny zanak’i Josefa zanak’i Israely, ny fizokiany; tsy dia nosoratana ho zokiny amin’ny tetiaram-pirazanana anefa i Josefa.

2 Fa nahery tamin’ny rahalahiny i Jodà ary izy no niavian’ny filoha anankiray, nefa an’i Josefa ihany ny fizokiana.

3 Zanaka lahin-dRobena lahy matoan’i Israely: i Enôka, i Falò, i Esrôna ary i Karmì.

I Joela

4 Zanaka lahin’i Joela: i Samià zanany, i Goga zanany, i Semeì zanany,

5 i Mikà zanany, i Reià zanany, i Baala zanany,

6 i Beerà zanany, izay nobaboin’i Telgata-Falasara mpanjakan’i Asiria; anisan’ny loham-pirenena Robenita izy.

7 Rahalahin’i Beera, samy araka ny fianakaviany avy, araka ny nanoratana azy ao amin’ny tetiarana, araka ny taranany: i Jehiela filohany, sy i Zakaria,

8 i Balà zanak’i Azaza zanak’i Samà zanak’i Joela,

Fonenana

I Balà dia nonina tany Arôera ka hatrany Nebô sy Beela-Meôna,

9 ary ny nonenany tany atsinanana, dia hatrany akaikin’ny efitra, izay miantomboka any amin’ny ony Eofrata, fa betsaka ny andiam-biby fiompiny tany Galaada.

10 Tamin’ny andron’i Saola niady tamin’ny Agareanina izy, ka naharesy an’ireny, dia nonina tao amin’ny lainy eran’ny ilany atsinanana rehetra amin’i Galaada.

I Gada

11 Ny taranak’i Gada, dia nonina tandrifin’ireo, tao amin’ny tany Basàna hatrany Selkà, dia ireto:

12 i Joela filohany, i Safàna no manarakaraka, vao i Janaì sy i Safata tany Basàna.

13 Ny rahalahin’ireo araka ny fokom-pianakaviany avy dia i Mikaela, i Mosolama, i Sebe, i Jôraì, i Jakàna, i Zie ary i Hebera, fito izy.

14 Izy ireo dia zanaka lahin’i Abihaila zanak’i Horỳ zanak’i Jerà, zanak’i Galaada zanak’i Mikaela zanak’i Jesesì zanak’i Jedô zanak’i Boza.

15 I Akì zanak’i Abdiela zanak’i Gonì, no lohan’ny fokom-pianakaviany.

16 Nonina tany Galaada tany Basàna izy ireo ary tany amin’ny tanàna momba azy sy amin’ny tanimbolin’i Sarôna, hatrany an-tsisiny. Tamin’ny andron’i Joatama mpanjakan’i Jodà, sy ny andron’i Jerôbôama mpanjakan’i Israely,

17 no efa nanoratana an’ireo zanak’i Gada rehetra tamin’ny tetiaram-pirazanana.

18 Tamin’ny tarana-dRobena sy ny Gadita ary antsasaky ny fokon’i Manase dia nisy lehilahy mahery, mahatana ampinga aman-tsabatra, mahalefa tsipìka, zatra an’ady, 44.760 ny isany, samy vonon-kilatsaka ho mpiady.

19 Niady tamin’ny Agareanina izy ireo, sy tamin’i Jetora, i Nafisa, ary i Nôdaba.

20 Nisy nanampy azy hamely an’ireo ka voatolotra teo an-tanany ny Agareanina mbamin’izay rehetra nomba azy. Fa nitaraina tamin’Andriamanitra izy ireo, teo am-piadiana, ka nohenoiny noho ny fitokiany Azy.

21 Dia nobaboiny ny andiam-biby fiompin’ireny, rameva 50.000, ondry 250.000, ampondra 2.000, olona 100.000.

22 Fa be maty ny olona, satria avy amin’Andriamanitra ny ady. Ary izy ireo no nonina nandimby an’ireny, mandra-pahatongan’ny fahababoana.

Ny antsasaky ny fokon’i Manase

23 Ny taranaky ny antsasaky ny fokon’i Manase dia nonina tamin’ny tany hatrany Basàna ka hatrany Baal-Hermôna sy i Anira ary ny tendrombohitra Hermôna; maro izy ireo.

24 Ireto no lohany amin’ny fianakaviany: i Efera, i Jesì, i Ezriela, i Jirmeià, i Odoià, ary i Jedihela, lehilahy matanjaka sy mahery, lehilahy malaza, lohan’ny fokom-pianakaviany avy.

25 Nivadika tamin’ny Andriamanitry ny razany anefa izy ireo, fa nitolo-tena hanaraka ny andriamanitry ny vahoakan’ny tany izay naringan’Andriamanitra teo anoloany.

26 Ka namporisihin’ny Andriamanitr’i Israely, ny fanahin’i Fola mpanjakan’i Asiria sy ny fanahin’i Telgata-Falasara, dia nentin’ireo babo ny Robenita sy ny Gadita ary ny antsasaky ny fokon’i Manase, nentiny nankany Halà sy i Habôra ary i Arà mbamin’ny ony Gôzàna mandrak’androany.

Razan’ireo mpisorom-be

27 Zanaka lahin’i Levỳ: i Gersôna, i Kaata, ary i Merarỳ.

28 Zanaka lahin’i Kaata: i Amrama, i Isaara, ary i Oziela.

29 Zanak’i Amrama: i Aarôna, i Môizy ary i Maria. Zanaka lahin’i Aarôna: i Nadaba, i Abiò, i Eleazara ary i Itamara.

30 I Eleazara niteraka an’i Finea, i Finea niteraka an’i Abisoe,

31 i Abisoe niteraka an’i Boksì, i Boksì niteraka an’i Ozì,

32 i Ozì niteraka an’i Zariasa, i Zariasa niteraka an’i Meraiota,

33 i Meraiota niteraka an’i Amariasa, i Amariasa niteraka an’i Akitoba,

34 i Akitoba niteraka an’i Sadôka, i Sadôka niteraka an’i Akimaasa,

35 i Akimaasa niteraka an’i Azariasa, i Azariasa niteraka an’i Johanàna,

36 i Johanàna niteraka an’i Azariasa, izay nanao ny fisoronana tao amin’ny trano nataon’i Salômôna, tany Jerosalema.

37 I Azariasa niteraka an’i Akitoba,

38 i Akitoba niteraka an’i Sadôka, i Sadôka niteraka an’i Seloma,

39 i Seloma niteraka an’i Helkiasa, i Helkiasa niteraka an’i Azariasa,

40 i Azariasa niteraka an’i Saraiasa, i Saraiasa niteraka an’i Josedeka.

41 Ary i Josedeka dia lasa natao sesitany, nony nampanalain’i Iaveh, hoentin-ko babo tamin’ny alalan’i Nabokodonozora i Jodà sy i Jerosalema.

Taranak’i Levì

1 Zanaka lahin’i Levì: i Gersôma, i Kaata, ary i Merarì

2 Izao no anaran’ny zanaka lahin’i Gersôma: Lobnì sy Semeià.

3 Zanaka lahin’i Kaata: i Amrama, i Isaara, i Hebrôna ary i Oziela.

4 Zanaka lahin’i Merarì: i Moholì sy i Mosì.

Izao no fianakavian’i Levì isan-drainy avy:

5 Avy amin’i Gersôma: i Lobnì zanany, i Jahata zanany, i Zamà zanany,

6 i Jôah zanany, i Adô zanany, i Zarà zanany, i Jetraia zanany.

7 Zanaka lahin’i Kaata: i Aminadaba zanany, i Kôre zanany, i Asira zanany,

8 i Elkanà zanany, i Abiasafa zanany, i Asira zanany,

9 i Tahata zanany, i Oriela zanany, i Oziasa zanany, i Saola zanany.

10 Zanaka lahin’i Elkanà: i Amiasa sy i Akimôta;

11 i Elkanà zanany, i Sôfaia zanany, i Nahata zanany,

12 i Eliaba zanany, i Jerôhama zanany, i Elkanà zanany.

13 Zanaka lahin’i Samoela: i Vanesì lahy matoa, dia i Abià.

14 Zanaka lahin’i Merarì: i Moholì, i Lobnì zanany, i Semeià zanany, i Ozà zanany,

15 i Samaà zanany, i Hagià zanany, i Asaià zanany.

Ireo mpihira

16 Ireto no voatendrin’i Davida hitari-kira, tao an-tranon’i Iaveh, niantomboka hatramin’ny nahazoan’ny fiara fitoeram-pijanonana.

17 Dia nanao ny raharahan’ny mpihira teo anoloan’ny fonenan’ny tranolay fihaonana izy ireo, mandra-panaovan’i Salômôna ny tranon’i Iaveh tany Jerosalema, ary nipetraka nanao ny fanompoany araka ny nandaminana an’izany.

18 Dia ireto no nanao ny raharaha, mbamin’ny zanany avy: Amin’ny zanaka lahin’ny Kaatita: i Hemàna mpihira, zanak’i Joela zanak’i Samoela

19 zanak’i Elkanà zanak’i Jehôrama zanak’i Eliela zanak’i Taohò

20 zanak’i Sofa zanak’i Elkanà zanak’i Mahata

21 zanak’i Amasiasa zanak’i Elkanà zanak’i Joela zanak’i Azariasa zanak’i Sôfôniasa

22 zanak’i Tahata zanak’i Asira zanak’i Abiasafa

23 zanak’i Kôre zanak’i Isaara zanak’i Kaata zanak’i Levì zanak’i Israely.

24 I Asafa rahalahiny izay nitsangana teo ankavanany: i Asafa zanak’i Barakiasa zanak’i Samà

25 zanak’i Mikaela zanak’i Basaiasa

26 zanak’i Melkiasa zanak’i Atania zanak’i Zarà

27 zanak’i Adaba zanak’i Etàna zanak’i Zammà

28 zanak’i Semeià zanak’i Jeta zanak’i Gersôma zanak’i Levỳ.

29 Zanaka lahin’i Merarỳ rahalahin’izy ireo teo ankavia: i Etàna zanak’i Kosỳ zanak’i Abdỳ zanak’i Malòka

30 zanak’i Hosabiasa zanak’i Amasiasa zanak’i Helkiasa

31 zanak’i Amasiasa zanak’i Bonỳ zanak’i Somera

32 zanak’i Moholỳ zanak’i Mosỳ zanak’i Merarỳ zanak’i Levỳ.

Ireo Levita hafa

33 Ny Levita rahalahin’izy ireo, dia niandraikitra ny fanompoana rehetra amin’ny tabernakla ao an-tranon’i Iaveh.

34 I Aarôna sy ny zanany anefa no nandoro ny sorona teo ambonin’ny ôtelin’ny sorona dorana, sy ny emboka teo ambonin’ny ôtelin’ny zava-manitra; izy ireo no tsy maintsy nanatanteraka ny raharaha ao amin’ny fitoerana masina indrindra, sy nanao fanonerana ho an’i Israely, araka izay nandidian’i Môizy, mpanompon’Andriamanitra.

35 Ireto ny zanaka lahin’i Aarôna: i Eleazara zanany, i Finea zanany, i Abisoe zanany,

36 i Boksỳ zanany, i Ozỳ zanany, i Zaraiasa zanany,

37 i Meraiota zanany, i Amariasa zanany,

38 i Akitoba zanany, i Sadôka zanany, i Akimaasa zanany.

1- Fonenan’ny taranak’i Aarôna

39 Ary izao no fonenany, araka ny fari-bohiny, tao amin’ny zarataniny avy:

Ny taranak’i Aarôna, amin’ny fianakavian’ny Kaatita, izay voatendrin’ny filokana voalohany,

40 dia nomena an’i Hebrôna mbamin’ny tany fiandrasam-biby manodidina azy teo amin’ny tanin’i Jodà;

41 ny faritanin’ny tanàna kosa anefa mbamin’ny vohiny, dia nomena an’i Kaleba zanak’i Jefone.

42 Ny nomena ny taranak’i Aarôna àry dia i Hebrôna tanàna fialofana,

43 i Lobnà mbamin’ny tany fiandrasana biby momba azy, i Jetera, i Estemao mbamin’ny tany fiandrasana biby momba azy; i Helona mbamin’ny tany fiandrasana biby momba azy;

44 i Dariba mbamin’ny tany fiandrasana biby momba azy; i Asàna mbamin’ny tany fiandrasana biby momba azy, i Betsemesa mbamin’ny tany fiandrasana biby momba azy;

45 ny avy amin’ny fokon’i Benjamina kosa, dia i Gabea mbamin’ny tany fiandrasana biby momba azy, i Almata mbamin’ny tany fiandrasana biby momba azy. Totalin’ny tanànan’izy ireo, tanàna 13 araka ny fianakaviany.

2. Fonenan’ireo Levita hafa

46 Ny azon’ny taranak’i Kaata sisa, tamin’ny loka, dia tanàna folo, avy amin’ny foko sy ny antsasa-pokon’i Manase.

47 Ny taranak’i Gersôma, araka ny fianakaviany, dia nahazo tanàna 13, avy amin’ny fokon’i Isakara sy ny fokon’i Asera, ary ny fokon’i Neftalì, sy ny fokon’i Manase tany Basàna.

48 Ny taranak’i Merarỳ araka ny fianakaviany dia nahazo tamin’ny loka tanàna 12 avy amin’ny fokon’i Robena sy ny fokon’i Gada ary ny fokon’i Zabolôna.

49 Nanome ny tanàna, mbamin’ny tany fiandrasam-biby momba azy, ho an’ny Levita ny zanak’i Israely.

50 Tamin’ny filokana no nanomezany azy an’ireo tanàna voatendry amin’ny anarany ireo, avy amin’ny fokon’ny zanak’i Jodà sy ny fokon’ny zanak’i Simeôna, ary ny fokon’ny zanak’i Benjamina.

51 Ny sasany amin’ny fianakavian’ny taranak’i Kaata anefa, dia avy amin’ny fokon’i Efraima, ny tanàna azony;

52 ka izao no nomena azy ireo: i Sikema, tanàna fialofana, mbamin’ny tany fiandrasana biby momba azy, teo amin’ny tendrombohitr’i Efraima, i Gazera, mbamin’ny tany fiandrasana biby momba azy;

53 i Jekmaama, mbamin’ny tany fiandrasana biby momba azy, i Betôrôna, mbamin’ny tany fiandrasana biby momba azy;

54 i Helona mbamin’ny tany fiandrasana biby momba azy: i Gety-Remôna, mbamin’ny tany fiandrasana biby momba azy,

55 ary ny avy amin’ny antsasa-pokon’i Manase, i Anera, mbamin’ny tany fiandrasana biby momba azy, i Balaama, mbamin’ny tany fiandrasana biby momba azy, ho an’ny fianakavian’ny taranak’i Kata sisa.

56 Ny nomena ny taranak’i Gersôma avy amin’ny fianakavian’ny antsasa-pokon’i Manase: i Gôlàna any Basàna, mbamin’ny tany fiandrasana biby momba azy, i Astarôta mbamin’ny tany fiandrasana biby momba azy;

57 avy amin’ny fokon’i Isakara: i Kedesa, mbamin’ny tany fiandrasana biby momba azy, i Dabereta, mbamin’ny tany fiandrasana biby momba azy;

58 i Ramôta, mbamin’ny tany fiandrasana biby momba azy, i Anema, mbamin’ny tany fiandrasana biby momba azy;

59 avy amin’ny fokon’i Asera: i Masàla, mbamin’ny tany fiandrasana biby momba azy, i Abdôna, mbamin’ny tany fiandrasana biby momba azy;

60 i Hokàka, mbamin’ny tany fiandrasana biby momba azy, i Rohoba, mbamin’ny tany fiandrasana biby momba azy;

61 avy amin’ny fokon’i Neftalì: i Kedesa, any Galilea mbamin’ny tany fiandrasana biby momba azy, i Hamôna, mbamin’ny tany fiandrasana biby momba azy, ary i Kariataima mbamin’ny tany fiandrasana biby momba azy.

62 Ny nomena ny Levita sisa taranak’i Merarỳ: avy amin’ny fokon’i Zabolôna: i Rimôna, mbamin’ny tany fiandrasana biby momba azy,

63 ny eny an-dafin’i Jordany, tandrifin’i Jerikô, atsinanan’i Jordany: avy amin’ny fokon-dRobena: i Bosora any an’efitra mbamin’ny tany fiandrasana biby momba azy, i Jasà mbamin’ny tany fiandrasana biby momba azy,

64 i Kademôta mbamin’ny tany fiandrasana biby momba azy, i Mefaata mbamin’ny tany fiandrasana biby momba azy;

65 avy amin’ny fokon’ny Gada: i Ramôta, any Galaada, mbamin’ny tany fiandrasana biby momba azy, i Manaima mbamin’ny tany fiandrasana biby momba azy,

66 i Hesebona, mbamin’ny tany fiandrasana biby momba azy.

I Isakara

1 Zanaka lahin’i Isakara: i Tolà, i Foà, i Josoba ary i Simerôna: efatra izy.

2 Zanaka lahin’i Tolà: i Ozia, i Rafaia, i Jeriela, i Jemaia, i Jebsema, ary i Samoela, samy lohan’ny fokom-pianakaviany izay avy amin’i Tolà, lehilahy mahery, voasoratra araka ny taranany tamin’i andron’i Davida, 22.600 no isany.

3 Zanaka lahin’i Ozia: i Izrahia. Zanaka lahin’i Izrahia: i Mikaela, i Obadià, i Joela, ary i Jesià, filohany dimy izy rehetra.

4 Nana-miaramila momba azy, efa hary fitaovana hiantafika izy ireo, araka ny fianakaviana fiaviany, araka ny fokom-pianakaviany avy, nisy 36.000 ireny, fa maro vady aman-janaka izy.

5 Ny rahalahin’izy ireo araka ny fianakaviana ao amin’i Isakara rehetra, lehilahy mahery, dia nisy 87.000 ny tontaliny, voasoratra amin’ny tetiaram-pirazanana.

I Benjamina

6 Zanaka lahin’i Benjamina: i Bela, i Bekora, ary i Jadihela, telo izy.

7 Zanaka lahin’i Bela: i Esbôna, i Ozia, i Oziela, i Jerimota ary i Oraia; dimy izy lohan’ny fokom-pianakaviana, lehilahy mahery, 22.034 no isany, voasoratra amin’ny tetiarana.

8 Zanakalahin’i Bekora: i Zamirà, i Jôasa, i Eliezera, i Eliônaia, i Amri, i Jerimota, i Abià, i Anatôta, ary i Almata. Zanaka lahin’i Bekora avokoa izy rehetra ireo,

9 voasoratra amin’ny tetiaram-pirazanana araka ny taranany avy, ho lohan’ny fokom-pianakaviany, lehilahy mahery, 20.200 no isany.

10 Zanaka lahin’i Jadihela: i Balàna. Zanaka lahin’i Balàna: i Jehosy, i Benjamina, i Aôda, i Kananà, i Zetàna, i Tarsisa, ary i Abisahera:

11 Zanaka lahin’i Jadihela avokoa izy rehetra ireo, samy lohan’ny fokom-pianakaviany, lehilahy mahery, 17.200 ny isany, mahazo mitondra fiadiana hiantafika.

12 Zanaka lahin’i Hira: i Sefama sy i Hafamà. Zanaka lahin’i Ahera: i Hasima.

I Neftalì

13 Zanaka lahin’i Neftalì: i Jasiela, i Gonì, i Jesera ary i Seloma, zanaka lahin’i Balà.

I Manase

14 Zanaka lahin’i Manase: i Esriela. Ilay Sirianina vaditsindranony, niteraka an’i Makira, rain’i Galaada.

15 I Makira naka vady tamin’ny avy amin’i Hapfima sy i Safàna: Maakà no anaran’ny anabaviny. I Salfaada no zanany lahy aivo, ary nanan-janaka vavy i Salfaada.

16 Nitera-dahy i Maakà, vadin’i Makira, ka nataony hoe Faresa no anarany ary i Saresa no anaran’ny rahalahiny: i Olama sy i Resena no zanany lahy;

17 zanaka lahin’i Olama: i Badàna. Ireo no zanaka lahin’i Galaada, zanak’i Makira, zanak’i Manase.

18 Ary i Amoleketa anabaviny, niteraka an’i Iskôda, i Abiezera, ary i Moholà.

19 Ny zanaka lahin’i Semidà dia i Ahina, i Sekema, i Lesia ary i Aniama.

I Efraima

20 Zanaka lahin’i Efraima: i Sotalà, i Bareda zanany, i Tahata zanany, i Eladà zanany, i Tahata zanany,

21 i Zobada zanany, i Sotalà zanany, ary i Ezera sy i Elada izay novonoin’ny lehilahy tao Geta, izay tera-tany, fa nidina hangalatra ny biby fiompiny.

22 Nisaonan’i Efraima rainy ela izy ireo, ka tonga ny rahalahiny hampionona azy.

23 Nandeha tamin’ny vadiny izy, dia nanana anaka ravehivavy, ka nitera-dahy; dia nomeny anarana hoe Berià, satria tra-pahoriana izy ireo tao an-tranony.

24 Ny zanany vavy kosa dia i Sarà, izay nanorina an’i Betôrôna ambany sy i Betôrôna ambony ary i Ozena-Sarà.

25 I Rafà zanany sy i Resefa, i Tale zanany, i Taàna zanany,

26 i Laadàna zanany, i Amioda zanany, i Elisamà zanany,

27 i Nona zanany, i Jôsoe zanany.

28 Ary ny taniny amam-ponenany, dia i Betela mbamin’ny tanàna momba azy, any atsinanana, i Noràna, any andrefana i Gezera mbamin’ny tanàna momba azy, hatrany Azà mbamin’ny tanàna momba azy.

29 Eo an-tanan’ny taranak’i Manase koa i Betsàda sy ny tanàna momba azy i Tanàka sy ny tanàna momba azy, i Magedao sy ny tanàna momba, azy, i Dôra sy ny tanàna momba azy. Tamin’ireo tanàna ireo no nonenan’ny taranak’i Josefa, zanak’i Israely.

I Asera

30 Zanaka lahin’i Asera: i Jemnà, i Jesoà, i Jesoì, i Barià ary i Sarà anabavin’ireo.

31 Zanaka lahin’i Barià: i Hebera sy i Melkiela; izy no Barsaita.

32 I Hebera niteraka an’i Jeflata, i Somera, i Hôtama, ary i Soà anabavin’ireo.

33 Zanaka lahin’i Jeflata: i Foseka, i Kamaala ary i Asota: ireo no zanaka lahin’i Jeflata.

34 Zanaka lahin’i Somera: i Ahia, i Rôagà, i Habà ary i Arama.

35 Zanaka lahin’i Helema rahalahiny: i Sofa, i Jemnà, i Salesa ary i Amala.

36 Zanaka lahin’i Sofa: i Soà, i Harnafera, i Soala, i Berì,

37 i Jamrà, i Bosora, i Hôda, i Samnà, i Salosà, i Jetrama ary i Berà.

38 Zanaka lahin’i Jetera: i Jefone, i Fasfà ary i Arà.

39 Zanaka lahin’i Olà: i Aerà, i Haniela, ary i Resià.

40 Zanak’i Asera avokoa ireo, lohan’ny fokom-pianakaviana, olom-boafantina sy mahery, lehiben’ny loham-pireneny, 26.000 no isany voasoratra, samy mahazo mitondra fiadiana hiantafika.

Taranak’i Benjamina

1 Ny naterak’i Benjamina dia i Bela lahy matoany, i Asbela lahy aivo, i Aharà fahatelo,

2 i Nohaà fahefatra, ary i Rafà fahadimy.

3 Ny zanaka lahin’i Bela dia i Adara, i Gerà, i Abioda,

4 i Abisoe, i Naamàna, i Ahôe,

5 i Gerà, i Sefofàna ary i Horama.

Tao Gabaà

6 Izao no zanaka lahin’i Ahoda: lohan’ny fianakaviana nonina tao Gabaà izy ireo, ary nafindrany tany Manahata:

7 i Naamàna, i Akià, ary i Gerà ilay namindra azy sy niteraka an’i Ozà sy Ahioda.

Tany Moaba

8 Niteraka tao amin’ny tanin’i Moaba, i Saharaima, taorian’ny nisaorany an’i Hosima sy i Barà, vadiny.

9 I Hodesa vadiny no niterahany an’i Jôbaba, i Sebià, i Mosà, i Molkôma, i Jehosa, i Sekià ary i Marmà.

10 Ireo no zanany lahy, loham-pianakaviana.

Tany Onô sy Loda

11 Ary i Hosima no niterahany an’i Abitoba sy i Elfaala.

12 Zanakalahin’i Elfaala: i Hebera, i Misaama ary i Samada, izay nanorina an’i Onô sy i Loda mbamin’ny tanàna momba azy.

Tao Aialôna

13 I Barià sy i Samà, lohan’ny fianakaviana nonina tao Aialôna no nampandositra ny mponina tao Geta.

14 I Ahiaô, i Sesàka, i Jerimota,

Tao Jerosalema

15 i Zabadia, i Aroda, i Hedera,

16 i Mikaela, i Jesfà ary i Jôhà no zanaka lahin’i Barià.

17 I Zabadia, i Mosoliama, i Hezesì, i Hebera,

18 i Jesamarì, i Jezlia, ary i Jôbaba no zanak’i Elfaala.

19 I Jasima, i Zekria, i Zabdia,

20 i Eliônaia, i Seletaia, i Eliela,

21 i Adaia, i Baraià ary i Semarata no zanak’i Semeià.

22 I Jesfàna, i Hebera, i Eliela,

23 i Abdôna, i Zekria, i Hanàna,

24 i Hananià, i Elama, i Anatôtià,

25 i Jefdaià ary i Fanoela no zanak’i Sesàka.

26 I Samsarì, i Sohorià, i Otolià,

27 i Jersià, i Elià ary i Zekrià no zanak’i Jerôhama.

28 Loham-pianakaviana ireo, samy loholona araka ny fiaviam-pianakaviany, ary nonina tao Jerosalema.

Tao Gabaôna

29 Tao Gabaôna no nonina ny rain’i Gabaôna, ary Maakà no anaran’ny vadiny.

30 I Abdôna no zanany lahimatoa, dia i Sora, i Kisa, i Baala, i Nadaba,

31 i Gedôra, i Ahiao ary i Zakera.

32 I Makelôta niteraka an’i Samaà. Nonina tao akaikin’ny rahalahiny koa ireo tao Jerosalema, niaraka tamin’ny rahalahiny.

I Saola sy ny fianakaviany

33 I Nera niteraka an’i Kisa, i Kisa niteraka an’i Saola, i Saola niteraka an’i Jonatàna, i Melkiasoa, i Abinadaba ary i Esbaala.

34 Zanaka lahin’i Jonatàna: i Meribaala. I Meribaalaniteraka an’i Mikà.

35 Zanaka lahin’i Mikà: i Fitôna, i Meleka, i Toraà sy i Akaza.

36 I Akaza niteraka an’i Joada, i Joada niteraka an’i Alamata, i Azmota ary i Zamrì, i Zamrì niteraka an’i Mosà,

37 i Mosà niteraka an’i Banaà, i Rafà zanany, i Falsà zanany, i Asela zanany.

38 Nanan-janaka enin-dahy i Asela ka ireto avy no anarany: Ezrikama, Bôkro, Ismaela, Sarià, Obadià ary Hanàna: zanak’i Asela avokoa ireo.

39 Zanaka lahin’i Eseka rahalahiny: i Olama lahimatoany, i Jehosa faharoa, ary i Elifaleta fahatelo.

40 Ny zanaka lahin’i Olama dia lehilahy mahery sady mpandefa zana-tsipìka; ary nanan-janaka lahy aman-jafy maro izy ireo, dia 150.

Ireo rehetra ireo dia taranak’i Benjamina avokoa.

I Jerosalema tanànan’i Israely, tanàna masina

1 Voasoratra amin’ny tetiaram-pirazanana avokoa izany i Israely rehetra, ka indreto izy voasoratra ao amin’ny bokim-panjakan’i Israely; ary nenti-ko babo tany Babilôna i Jodà, noho ny fahotany.

Nehemia 11,3-19

2 Ny mponina voalohany, nonina tamin’ny taniny, tamin’ny tanànany, dia ny Israelita, ny Mpisorona, ny Levita, ary ny Natineanina.

3 Nisy nonina tao Jerosalema ny taranak’i Jodà, ny taranak’i Benjamina, ny taranak’i Efraima, sy i Manase,

4 ny taranak’i Faresa zanak’i Jodà: i Oteì zanak’i Amioda, zanak’i Amrỳ zanak’i Omraỳ zanak’i Bonì.

5 Ny tamin’ny Silônita: i Asaià, lahy matoa sy ny zanany lahy.

6 Ny tamin’ny taranak’i Zarà: i Jehoela sy ny rahalahiny, 690 izy.

7 Ny tamin’ny taranak’i Benjamina: i Salò, zanak’i Mosolama zanak’i Odoià zanak’i Asàna;

8 i Jobanià, zanak’i Jerôhama i Elà zanak’i Ozỳ zanak’i Mokorỳ, i Mosolama zanak’i Safatià zanak’i Rahoela zanak’i Jebanià,

9 ary ny rahalahin’izy ireo, araka ny taranany dia 956. Samy loham-pianakaviana, araka ny fokom-pianakaviany avy, ireo lehilahy rehetra ireo.

10 Ny tamin’ny mpisorona: i Jedaià, i Joiariba, i Jakima,

11 i Azariasa zanak’i Helkiasa zanak’i Mosalama zanak’i Sadaoka zanak’i Maraiôta zanak’i Akitoba, mpanapaka ny tranon’Andriamanitra;

12 i Adaiasa zanak’i Jerôhama zanak’i Fasora zanak’i Melkiasa; i Maasaì zanak’i Adiela zanak’i Jezrà zanak’i Mosolama zanak’i Mosolamita zanak’i Emera;

13 ary ny rahalahin’izy ireo, izay loham-pianakaviany avy, dia nisy lehilahy mahery 1.760 mba hanatanteraka ny fanompoana ao amin’ny tranon’Andriamanitra.

14 Ny tamin’ny Levita: i Semeià zanak’i Hasoba zanak’i Ezrikama zanak’i Hasebià, tamin’ny taranak’i Merarì;

15 i Bakbakara, i Heresa, i Galala, i Matanià, zanak’i Mikà zanak’i Zekri zanak’i Asafa;

16 i Obadià zanak’i Semeià zanak’i Galala zanak’Iditona; i Barakià zanak’i Asà zanak’i Elkanà, izay nonina tao an-tanànan’ny Netôfatianina.

17 Ary ny mpiandry varavarana: i Seloma, i Akoba, i Telmôna, i Ahimàna, mbamin’ny rahalahin’ireo; i Seloma no lehibe,

18 ary mbola ao am-bavahadin’ny mpanjaka, eo atsinanana izy mandrak’androany. Ireo no mpiandry varavarana tamin’ny tobin’ny taranak’i Levì.

19 I Seloma zanak’i Kôre zanak’i Abiasafa zanak’i Kôre, mbamin’ny Kôreita rahalahiny amin’ny fianakavian-drainy, no nanao ny raharahan’ny mpiandry ny varavaran’ny tabernakla; ny razan’izy ireo no efa niandry ny vavahadin’ny tobin’i Iaveh.

20 I Finea zanak’i Eleazara, no mpanapaka azy ireo taloha, ary nomban’i Iaveh izy.

21 I Zakaria, zanak’i Mosolamia, no mpiandry ny varavaran’ny trano lay fihaonana.

22 212 no isan’ireo olom-boafidy ho mpiandry varavarana ireo. Voasoratra amin’ny vohiny avy izy, ary i Davida sy i Samoela mpahita no nanendry azy hanao io raharaha io.

23 Izy ireo sy ny taranany no tao amin’ny varavaran’ny tranon’i Iaveh, ny tranon’ny tabernakla, mba hiandry azy.

24 Nitoetra teo amin’ny lafiny efatra ny mpiandry varavarana, dia teo atsinanana sy andrefana, ary avaratra sy atsimo.

25 Ny rahalahin’izy ireo, izay nonina tany amin’ny vohiny, dia tsy maintsy mankeo aminy indraindray, ka maharitra herinandro eo.

26 Fa izy efa-dahy lohan’ny mpiandry varavarana, izay Levita, dia teo amin’ny raharahany hatrany, sady mbola nitandrina ny efitrano sy ny rakitra tao an-tranon’Andriamanitra.

27 Nitoetra teo amin’ny manodidina ny tranon’Andriamanitra izay nambenany izy, ka tsy maintsy tandremany ny hamohana azy isa-maraina.

28 Ny Levita sasany kosa, nitandrina ny fanaka momba ny fanompoana, ka navoakany sy nampidiriny ireny ny sady nisainy koa.

29 Ny sasany aminy, nitandrina ny fanaka, dia ny fanaka rehetra teo amin’ny fitoerana masina, mbamin’ny lafarina tsara indrindra, ny divay, ny diloilo, ny emboka, ary ny zava-manitra.

30 Nisy zanaky ny mpisorona nangaroharo ny zava-manitra tsara fofona.

31 Ny anankiray amin’ny Levita, dia i Matatiasa lahy matoan’i Seloma, i Kôreita, no tonian’ny mofomamy nendasina tamin’ny lapoaly.

32 Ary ny rahalahiny sasany, amin’ny taranak’i Kaata, no niadidy ny fanamboarana ho amin’ny isan-tsabata, ny mofo alahatra.

33 Ireo no mpihira, lohan’ny fianakavian’ny Levita nitoetra tamin’ny efitrano, afakatamin’ny raharaha hafa, satria tsy maintsy eo amin’ny raharahany andro aman’alina.

34 Ireo no lohan’ny fianakavian’ny Levita, filohany araka ny taranany, ary nonina tao Jerosalema.

Ny niandohan’i Saola

35 Tao Gabaôna no nonenan’i Jehiela, rain’i Gabaôna, i Maakà no anaran’ny vadiny.

36 Ary i Abdôna no zanany lahy matoa, dia i Sora, i Kisa, i Baala, i Nera, i Nadaba,

37 i Gedôra, i Ahiao, i Zakaria, ary i Mekalôta.

38 I Make lôta niteraka an’i Samaana. Nitoetra teo anilan’ny rahalahiny koa izy ireo tao Jerosalema niaraka tamin’ny rahalahiny.

39 I Nera niteraka an’i Kisa, i Kisa niteraka an’i Saola, i Saola niteraka an’i Jonatàna, i Melkisa, i Abinadaba, ary i Esbaala.

40 Zanaka lahin’i Jonatàna: i Meribaala niteraka an’i Mikà,

41 zanaka lahin’i Mikà: i Fitôna, i Meleka, i Taraà.

42 I Akaza niteraka an’i Jarà, i Jarà niteraka an’i Alamata, i Azmota ary i Zamrì; i Zamrì niteraka an’i Mosà.

43 I Mosà niteraka an’i Banaà, i Rafaià zanany, i Elasà zanany, i Asela zanany.

44 Nanan-janaka enin-dahy i Asela, ka ireto no anarany avy: Ezrikama, Bôkrao, Ismaela, Sarià, Obadià, ary Hanàna. Ireo no zanaka lahin’i Asela.

Ny nahafatesan’i Saola

1 Niady tamin’i Israely ny Filistinina ary nandositra teo anoloan’ny Filistinina ny lehilahy amin’i Israely, ka lavo teny an-tendrombohitra Jelbôe efa azon’ny ratra mahafaty.

2 Nifikitra nanenjika an’i Saola sy ireo zanany ny Filistinina ka matin’ny Filistinina i Jonatàna sy i Abinadaba ary i Melkisoà, zanak’i Saola.

3 Dia i Saola indray no nezahin’ny ady mafy. Nony hitan’ny mpandefa tsipìka izy, dia natahotra mafy an’ireo mpandefa tsipìka izy.

4 Ary hoy i Saola tamin’ny mpitondra fiadiany: «Tsoahy ny sabatrao, ka trobary aho, fandrao avy manevateva ahy ireo tsy mifora ireo.» Tsy nety anefa ilay mpitondra fiadiana fa azon-tahotra, ka nalain’i Saola ny sabany, dia nianjerany avy eo ambony.

5 Vao hitan’ilay mpitondra fiadiana fa maty i Saola, dia mba nianjera tamin’ny sabany koa izy, ka maty.

6 Toy izany no nahafatesan’i Saola sy ny zanany lahy, ary indray maty ny ankohonany rehetra.

7 Nony hitan’ny lehilahy rehetra amin’i Israely, izay teny amin’ny tany lemaka, fa nandositra ny zanak’i Israely, ary maty koa i Saola sy ny zanany, dia nilaozan’izy ireo ny tanànany, ka nitsoaka nandositra izy; ary tonga sy niorim-ponenana teo ny Filistinina.

8 Ny ampitson’iny, tonga handroba ny zavatry ny maty ny Filistinina ka hitany niampatra teo an-tendrombohitra Jelbôe, i Saola sy ny zanany.

9 Nendahiny ny teny an-kodiny, dia nentiny ny lohany amam-piadiany; raha efa izany dia nandefa iraka izy, hilaza izany zava-baovao mahafaly izany eran’ny tanin’ny Filistinina, eo anoloan’ny sampiny sy ny vahoaka rehetra.

10 Ny fiadian’i Saola, napetrany tao an-tranon’ny andriamaniny, ary ny karandohany nohomboany tao amin’ny tempolin’i Dagôna.

11 Nony nandre izay rehetra nataon’ny Filistinina tamin’i Saola ny tany Jabesa any Galaada rehetra,

12 dia niainga avokoa ny lehilahy mahery, naka ny fatin’i Saola sy ny fatin’ireo zanany, ary nitondra azy ho any Jabesa. Naleviny teo ambanin’ny terebinta tao Jabesa ny taolany, dia nifady hanina hafitoana izy ireo.

13 Maty i Saola noho ny hadisoany tamin’i Iaveh, izay nahameloka azy, fa tsy nitandrina ny tenin’i Iaveh izy, sady nanontany ary nila hevitra tamin’ireo mpiantso ny maty.

14 Tsy nila hevitra tamin’i Iaveh izy, ka dia novonoin’i Iaveh, ary nafindrany amin’i Davida zanak’i Isaia ny fanjakana.