Categories
Amôsy

Amôsy 5

Fitomaniana an’i Israely

1 Henoinareo izao teny izao,

izay tononiko ny amin’ny momba anareo,

– hira fitomaniana, – ry taranak’i Israely:

2 Efa lavo, efa tsy hahatsangana intsony,

ilay virjinin’i Israely!

Mitsingàdina amin’ny tany izy,

ary tsy hisy hanarina azy.

3 Fa izao no lazain’i Iaveh:

Ny tanàna namoaka arivo lahy hiantafika,

dia hitana zato lahy;

ary izay namoaka zato lahy hiantafika,

dia hitana folo lahy ho an’ny taranak’i Israely.

Raha tsy mibebaka tsy voavonjy

4 Fa izao lazain’i Iaveh, amin’ny taranak’i Israely:

Tadiavo Aho, dia velomy ianareo.

5 Aza mitady an’i Betela, aza mankany Galgalà,

aza miampita ho any Bersabea!

Fa i Galgalà ho lasan-ko babo;

ary i Betela hanjary tsinontsinona.

6 Tadiavo i Iaveh, dia velomy ianareo,

fandrao milatsaka, toy ny afo, amin’ny taranak’i Josefaizy,

ka handevona azy, nefa tsy hanana olona handevona izany, i Betela.

7 Ovany ho abisintany hitsiny,

ary azerany amin’ny tany ny rariny!

Fiderana an’Andriamanitra

8 Nanao ny Kotokelimiadilaona sy ny Telonohorefy izy;

mampody ho maraina ny haizina,

ary ny andro ho alim-pito;

miantso ny rano ao an-damosina,

dia mampiely azy eo ambonin’ny tany;

Iaveh no anarany.

Fandrahonana

9 Ataony mipoaka ny faharavana mamely ny mahery,

ary mianjera amin’ny tanàna mimanda ny fandravana.

10 Mankahala eo am-bavahadyizay mananatra izy ireo;

ary tsy tia mainty an’izay miteny amim-pahamarinana.

11 Koa noho ianareo manitsakitsaka ny mahantra,

sy mampandoa hetram-baryazy;

dia nanao trano vato voapaika ianareo,

nefa tsy hitoetra ao aminy;

namboly voaloboka faran’izay tsara ianareo,

nefa tsy hisotro ny divay avy aminy.

12 Fa fantatro fa maro ny helokareo

ary lehibe ny fahotanareo,

ianareo izay mampahory ny marina sy mandray kolikoly,

ary mampandefitra ny rariny momba ny mahantra eo am-bavahady.

13 Koa dia mangina ny olon-kendry amin’izao andro izao,

satria andro ratsy izao.

Famporisihana

14 Ny tsara no tadiavo, fa aza ny ratsy,

mba ho velona ianareo,

ka homba anareo i Iaveh Andriamanitry ny tafika,

araka ny lazainareo.

15 Ankahalao ny ratsy, fa ny tsara no tiavo,

ary ampanjakao eo am-bavahady indray ny rariny;

angamba i Iaveh Andriamanitry ny tafika,

dia hamindra fo amin’izay sisa amin’i Josefa!

Akaiky ny famaizana

16 Koa izao no lazain’i Iaveh,

ny Andriamanitry ny tafika, ny Tompo:

Hisy hidradradradra eny amin’ny kianja rehetra eny:

hisy hanao hoe: Indrisy! Indrisy! eny an-dalambe rehetra eny;

hisy hiantso ny mpiasa hisaona,

sy higogogogo, miaraka amin’izay mahay midridridridry.

17 Hitomany ny olona eo amin’ny tanimboalobokarehetra:

fa handalo eo afovoanao Aho, hoy i Iaveh.

Ny andron’i Iaveh

18 Loza ho an’izay maniry ny andron’i Iaveh!

ho inona ho anareo moa, ny andron’i Iaveh?

Ho haizina izy, fa tsy ho fahazavana.

19 Toy ny olona mandositra ny liona,

nefa tonga mitsena azy kosa ny orsa;

miditra ao an-tranony izy, mitehin-tanana amin’ny rindrina

dia kaikerin’ny menarana!…

20 Moa tsy haizina va ny andron’i Iaveh fa tsy fahazavana,

haizina tsy misy mangirana?

Tsy ankasitrahina ny fombam-pivavahana ivelany

21 Hàlako sy tsy ahoako akory izay fetinareo,

tsy hankamamiko akory ny fiangonanareo.

22 Raha manolotra sorona dorana amam-panatitra ianareo

tsy mankatelina izany Aho;

ary izay fisoronanareo zanak’omby matavy

tsy jereko velively.

23 Halaviro Ahy ny finaonaonan’ny hiranareo;

aoka tsy ho reko akory izay feon-dokanganareo!

24 Fa aoka hisononoka hoatra ny rano kosa ny fitsarana;

ary toy ny ranondriaka tsy mety ritra ny fahamarinana!

25 Moa nanatitra sorona amam-panatitra ho Ahy va ianareo,

ry taranak’i Israely, nandritra ny efapolo taona tany an’efitra?

26 Ny lain’nympanjakanareono nolanjainareo,

mbamin’i Kijoma, ny sampinareo,

aman-kintan’ny andriamanitrareo,

izay nataonareo ho anareo;

27 koa hoentiko hatao sesitanyambadik’i Damasyianareo, hoy i Iaveh:

Andriamanitry ny tafika no Anarany.

Categories
Amôsy

Amôsy 6

Matokitoky foana ny mpiliba

1 Mila loza ireo mandry feizayao Siôna,

sy mitoetra matoky ao an-tendrombohitr’i Samaria;

dia ireo malaza indrindra amin’ilay firenena, lohan’ny firenena,

ireo izay hatonin’ny taranak’i Israely!

2 Miampità ho any Kalneianareo ka zahao;

avy ao dia mankanesa any Hamata ilay lehibe:

midìna koa any Geta ao amin’ny Filistinina:

moa miadana noho ireto fanjakana ireto va ireo tanàna ireo,

ary lehibe noho ny anareo va ny tanin’izy ireo?

3 Ianareo manao ny andro mahoryho mbola lavitra

ary mampanatona ho akaiky ny fanjakan’ny fahasiahana!

4 Mandrimandry eo ambony farafara ivoara izy ireo;

sy mivalandotra eo amin’ny sofàny;

mihinana ny zanak’ondry avy amin’nyandian’ondry izy ireo,

sy ny zanak’omby voafahy ao an-tranon’omby.

5 Mandihindihy manaraka ny feon-dokanga izy;

namorona zava-maneno, toa an’i Davida.

6 Kôpy lehibe no isotroany divay;

diloilo manitra faran’izay tsara no ihosorany;

ary tsy mankararirary azy akory ny lozamanjò an’i Josefa.

7 Koa ho lasa izy ireo hatao sesitany

ho lohan’ny lasan-ko babo;

ary tsy hisy intsony ny hobim-pifalian’ireo mpanaram-batana ireo.

Hahatsiravina ny famaizana

8 Efa nianiana tamin’ny Tenany, ny Tompo Iaveh,

– teny marin’i Iaveh Andriamanitry ny tafika. –

Tsy tiako mainty ny avonavon’i Jakôba,

ary halako ny lapany;

ka hatolotro mbamin’izay rehetra ao aminy ny tanàna.

9 Ary raha misy folo lahy no sisa

ao amin’ny trano iray, dia ho faty ireo.

10 Ho tonga ny havany anankiray

mbamin’izay mandoro ny faty, ka hitondra ny faty,

dia hoesoriny ny taolam-paty, hiala ao an-trano;

ary ny anankiray hilaza amin’izay ao amin’ny faran’ny trano:

Mbola misy ihany va ato miaraka aminao?

ka holaviny hoe: Tsy misy olona intsony!

Dia hataon’ilay voalohany hoe: Mangìna!

Fa tsy tokony hotononina ny Anaran’i Iaveh.

11 Satria, indro i Iaveh fa efa mandidy,

ka nampianjerany trano lehibeho rava foana,

ary ny madinikaho montsana.

12 Moa ny vatolampyihazakazahan’ny soavaly,

na ampiasana ny omby va izany?

no dia navadikareo ho poizina ny hitsiny,

ary ho abisinta ny vokatry ny rariny.

13 Dia mifaly ianareo amin’izay zava-poana;

ianareo manao hoe:

«Tsy tamin’ny herinay va, no nahazoanay fahefana?»

14 Fa indro hanangana hamely anareo Aho, ry taranak’i Israely,

– teny marin’i Iaveh, Andriamanitry ny tafika –

hanangana firenena anankiray hampahory anareo,

hatrany amin’ny hadilalan’i Hamata

ka hatrany amin’ny lohasahan-driakan’nyefitra.

Categories
Amôsy

Amôsy 7

Fahitana voalohany: ny valala

1 Izao no nasehon’ny Tompo Iaveh tamiko,

dia indro Izy fa namorona valala,

tamin’ny fotoana vao itsimohan’ny kolokolo,

dia ny kolokolo avy nijinjana ho an’ny mpanjaka.

2 Nony tapitra lanin’ireny avokoa ny ahitra amin’ny tany,

dia hoy aho: «Ry Tompo Iaveh ô, mba mamelà heloka!

Ahoana no haharetan’i Jakôba? fa kely izy.»

3 Ary nanenina amin’izay i Iaveh.

«Tsy hisy izany» hoy i Iaveh.

Fahitana faharoa: ny afo

4 Izao no nasehon’ny Tompo Iaveh tamiko:

dia indro tonga i Iaveh hanasazy amin’ny afo,

dia nandevona ny hantsana lehibe ny afo,

sy nandevona ny anjara-lovan’ny Tompo.

5 Ka hoy aho: «Mba mitsahara, ry Tompo Iaveh ô!

Ahoana no haharetan’i Jakôba? fa kely izy.»

6 Nanenina i Iaveh.

«Tsy hisy izany koa,» hoy ny Tompo Iaveh.

Fahitana fahatelo: ny kofehy pilao

7 Izao no nasehon’i Iaveh tamiko:

dia indro fa nitsangana teo ambonin’ny rindrina mijoro ny Tompo

ary nisy hofehy pilao teny an-tanany.

8 Hoy i Iaveh tamiko: «Inona no hitanao, ry Amôsy?»

Ka namaly aho hoe: «Kofehy pilao».

Dia hoy ny Tompo: «Indro Aho manisy ny kofehy pilao,

eo amin’i Israely vahoakako;

fa tsy hamela ny helony intsony.

9 Ny fitoerana avon’i Isaakaho foanana;

ny fitoera-masin’i Israely horavana;

ary hitsangana hamely ny taranak’i Jerôbôamaamin’ny sabatra Aho.»

Voaroaka hiala tao Betela i Amôsy

10 Ary i Amasiasa, mpisorona ao Betela, naniraka hilaza amin’i Jerôbôama, mpanjakan’i Israely hoe: «Mitetika ny hikomy aminao eo amin’ny taranak’i Israely i Amôsy; tsy zakan’ny tany intsony ny teniny rehetra.

11 Satria izao no tenin’i Amôsy: ‹I Jerôbôama ho fatin’ny sabatra; ary i Israely hoentin-ko babo hiala amin’ny taniny.› »

12 Dia hoy i Amasiasa tamin’i Amôsy: «Ry mpahitaô, mandehana mandositra any amin’ny tanin’i Jodà, ka any ianao no mihinàna hanina; any ianao no maminania.

13 Fa aza maminany atỳ Betela intsony, satria fitoera-masin’ny mpanjaka ny atỳ, ary tranom-panjakana.»

14 Izao no navalin’i Amôsy an’i Amasiasa: «Tsy mba mpaminany aho na zanaky ny mpaminany; fa mpiandry omby sy mpamboly aviavy.

15 Ary nalain’i Iaveh tany aorian’ny biby fiompy aho, dia nataon’i Iaveh tamiko hoe: ‹Mandehana ianao, maminany any amin’i Israely vahoakako.›

16 Koa ankehitriny, mihainoa ny tenin’i Iaveh ianao: Hoy ianao hoe: ‹Aza maminany ny hamelezana an’i Israely; ary aza miteny ny hamelezana ny taranak’i Isaaka!…›

17 Koa izao no lazain’i Iaveh:

‹Ny vadinao hovetavetainaao an-tanàna;

ny zanakao lahy aman-janakao vavy, ho lavon-tsabatra;

ny taninao, hozarainaamin’ny famolaina,

ary ianao ho faty eo amin’ny tany maloto;

ary i Israely hoentin-ko babohiala amin’ny taniny.› »

Categories
Amôsy

Amôsy 8

Fahitana fahefatra: Ny Voankazo masaka iray harona

1 Izao no nasehon’ny Tompo Iavehtamiko:

dia indreto voankazo masaka iray sobiky.

2 Ary hoy izy: «Inona no hitanao, ry Amôsy?»

Dia hoy ny navaliko: «Voankazo masakairay sobiky.»

Ka hoy i Iaveh tamiko: «Tonga ny farany

ho an’i Israely vahoakako:

Tsy hamela azy intsony Aho, izao sisa izao.

3 Amin’izany andro izany, ny hira ao an-dapa

ho zary finaonaonana

– teny marin’ny Tompo Iaveh. –

Ny faty ho betsaka,

ary hazera hatraiza hatraiza amim-panginana ireny.»

Ireo mpanambaka sy mpifetsy

4 Mihainoa izao ianareo mihinana ny mahantra,

sy mitady hamongotra ny mavomavo amin’ny tany,

5 manao hoe:

Rahoviana no ho tapitra ny voaloham-bolana;

mba hahazoantsika mivarotra vary;

ary ny sabatamba hamohantsika ny tranom-bary,

ka ny efaha hohakelezina, ny sikla hampitomboina;

ny mizàna, hatao mandainga, hamitahana.

6 Dia hovidintsika vola ny fadiranovana,

ary ny mahantra, noho ny amin’ny kapa iray lomisy,

sady hivarotantsika ny vary loha-kororòka?

7 Efa nianiana tamin’ny reharehan’i Jakôba i Iaveh:

Raha hohadinoikomandra-piavin’ny farany,

izay rehetra nataon’izy ireo.

8 Noho izany, tsy hihorohoro va ny tany,

ary tsy hisaona va ny mponina rehetra eo aminy?

Hisondrotra tahaka an’i Nilany tany manontolo,

hisondrotra sy hietry tahaka an’i Nilan’i Ejipta izy.

Fanambaràna famaizana mahagaga: Haizina sy fisaonana

9 Amin’izany andro izany, izao no hitranga,

– teny marin’ny Tompo Iaveh. –

Ny masoandro halentiko mitatao vovonana;

ary ny tany hosaronako haizina amin’ny andro tony tsara.

10 Ny fetinareo hampodiko ho fisaonana;

ny hira fifalianareo, ho fitomaniana;

ny andilana rehetrahosikinako lasàka,

ny loha rehetra hataoko sola;

ny tany hataoko hoatra ny misaona zanaka lahy tokana;

ary ny farany, ho tahaka ny andro mangidy.

Hetaheta ny Tenin’Andriamanitra

11 Indro tamy ny andro,

– teny marin’ny Tompo Iaveh, –

hanirahako hanoananaamin’ny tany;

tsy mba hanoanana momba ny mofo,

na hetaheta momba ny rano,

fa ny faniriana te-handre ny tenin’i Iaveh.

12 Dia hirenireny hatrany amin’ny ranomasina,

ka hatrany amin’ny ranomasina izy ireo,

hatrany amin’ny avaratra, ka hatrany amin’ny atsinanana;

hivezivezy atsỳ arỳ, hitady ny tenin’i Iaveh,

nefa tsy hahita izany izy ireo.

Fanambaràna famaizana indray

13 Amin’izany andro izany, dia ho reraka ny virjiny tsara tarehy,

mbamin’ny tovolahy, azon’ny hetaheta.

14 Ry zareo, mianiana amin’ny fahotan’i Samaria,

ka manao hoe: Amin’ny Andriamanitrareo, ry Dàna!

Amin’ny lalan’iBersabea!

dia samy ho lavo tsy haharina intsony.

Categories
Amôsy

Amôsy 9

Fahitana fahadimy: ny haharavan’ny toerana masina

1 Nahita ny Tompo nitsangana teo akaikin’ny ôtelyaho,

ka hoy izy: «Asio ny koronosy,

ary aoka hihozongozona ny tokonana;

dia torotoroy izy mamely ny lohan’izy rehetra!

Ary izay sisa dia hovonoiko amin’ny sabatra;

tsy hisy ho afaka, tsy hisy ho afa-mandositra.

2 Raha mitsofoka ho any amin’ny Seoly izy ireo

hotsoahan’ny tanako avy any;

raha miakatra any an-danitra,

hampidiniko avy any.

3 Raha miery any an-tampon’i Karmela izy,

hotadiaviko any, sy halaiko ihany;

ary raha miafina ny masoko any anaty ranomasina izy,

hodidiako hanaikitra azy any ny bibilava.

4 Ary raha lasan-ko babo eo anoloan’ny fahavalony izy,

hodidiako hamono azy any ny sabatra.

Ka hifàntoka aminy ny masoko,

nefa tsy hahatonga soa, fa loza ho azy izany.

Fiderana an’Andriamanitra

5 Ny Tompo Iavehn’ny tafika

mikasika ny tany ka miempo izy,

ary misaona avokoa ny mponina eo aminy;

misondrotra tahaka an’i Nila izy manontolo,

ary mietry tahaka ny onin’i Ejipta izy.

6 Manao ny ambaratonganyany an-danitra izy,

ary manorina ny andohalambony etỳ ambonin’ny tany;

miantso ny ranoeo amin’ny ranomasina izy,

dia nampiely azy etỳ ambonin’ny tany;

Iaveh no Anarany.

Tsy hotsimbinina i Israely

7 Moa tsy toy ny taranaky ny Kosita va ianareo, raha amiko,

ry zanak’i Israely? – teny marin’i Iaveh. –

Moa i Israely va, tsy nentiko niakatra avy any amin’ny tany Ejipta,

sy ny Filistinina avy tany Kafitôra, ary ny Sirianina avy tany Kira?

8 Indro, ny mason’ny Tompo Iaveh

mifàntoka amin’ny fanjakana mpanota;

ka hofongorana tsy ho eo ambonin’ny tany izy.

Ny mpanota ihany no ho faty

Nefa tsy dia hofongorako manontolotsy akory

ny taranak’i Jakôba, – teny marin’ny Tompo Iaveh. –

9 Fa indro efa hamoaka didy Aho,

ka hosivaniko any amin’ny firenena rehetra any ny taranak’i Israely,

toy ny fanasivana vary amin’ny sivana,

ka tsy hisy latsaka amin’ny tany ny voa tsara.

10 Ho fatin’ny sabatra avokoa ny mpanota, amin’ny vahoakako,

izay manao hoe: Tsy hanakaiky anay akory ny loza

tsy hahatratra anay akory ny loza.

4. MBOLA HITSANGANA NY FANJAKAN’I DAVIDA KA HIARINA

11 Amin’izany andro izany ny tranobongon’i Davida efa nianjera, hatsangako indray,

ny banga hotampenako, ny rava hamboariko;

ka haoriko indray ho tahaka ny tamin’ny andro taloha;

12 mba hananan’izy ireo izay sisa amin’i Edôma,

mbamin’ny firenena rehetra niantsoana ny Anarako,

– teny marin’i Iaveh, – izay manao izany zavatra izany.

13 Indro avy ny andro, – teny marin’i Iaveh, –

ka ny mpiasa tanyhahatratra ny mpijinja;

ary ny mpanosihosy voaloboka, hahatratra ny mpanely voa famafy;

hitete avy amin’ny tendrombohitra ny divay vaovao,

ary ny havoana rehetra hitsonika.

14 Hampodiko indray ny baboamin’i Israely vahoakako;

ka ny tanàna rava, haoriny sy honenany indray;

ny voaloboka hamboleny, hisotroany ny divay avy aminy;

hanao tanimboly izy ireo, hihinanany ny vokany.

15 Hamboleko eo amin’ny taniny izy,

ka tsy hongotana intsony hiala amin’ny tany,

izay efa nomeko azy», hoy i Iaveh Andriamanitrao.

Categories
Abdiasa

Abdiasa 1

Lohateny sy Sasin-teny

1 Fahitan’i Abdiasa.

Izao no nolazain’ny Tompo Iavehtamin’i Edôma:

– Nandray filazana avy amin’i Iavehizahay ary nisy iraka nalefa ho any amin’ny firenena:

Mitsangàna! Aoka hitsangan-kamely azy, izahay. –

Teny fitsarana an’i Edôma

2 Indro ianao efa nataoko kelyeo amin’ny firenena

dia faniratsira indrindra.

3 Ny avonavon’ny fonao nahavery saina anao!

Izy izay mitoetra eny an-tsefatsefa-bato,

ka ny havoana no fonenany,

dia manao anankampo hoe:

Zovy moa no hampidina ahy eny amin’ny tany?

4 Na hisondrotra ho avo toy ny voromaheryaza ianao,

ka hametraka ny akaninao eny amin’ny kintana,

dia hampidina anao avy eny Aho, – teny marin’i Iaveh. –

Famongarana an’i Edôma

5 Raha nisy tafiditra ao aminao, na ny mpangalatra,

na ny mpandroba alina

– Endrey izany faharavanao! –

moa ho tsy izay ampy azy ihany va no nongoahany?

Raha misy mpioty voaloboka tonga tao aminao,

moa dia tsy ho nasiany sisa hotsimponina va?

6 Endrey izany fisava an’i Esao!

Endrey izany fikaroka ny rakiny miafina!

7 Nanosika anaohatrany an-tsisin-tany avokoa,

ireo vita fanekena taminao;

namazivazy anao, naharesy anao ireo

izay nifaly tamin’ny fihavanany aminao;

ry zareo nihinana ny haninao,

namela-pandrika eo ambanin’ny dianao.

Tsy misy saina azo aminy.

8 Moa amin’izany andro izany, – teny marin’i Iaveh, –

tsy fongorako va ny olon-kendry ao Edôma,

sy ny fahazavan-tsaina ao an-tendrombohitr’i Esao?

9 Ho raiki-tahotra mafy ny mpiadinao, ry Temàna,

mba ho voafongotra rehefa mety ho lehilahy, ao an-tendrombohitr’i Esao.

10 Noho ny famonoana, noho ny fahasiahanao amin’i Jakôba rahalahinao,

dia ho safo-kenatra sy hofongorana mandrakizay ianao.

11 Tamin’ny andro nitsangananao nanandrify azy,

tamin’ny andro nitondran’ny fahavalo ny miaramilany,

sy nitsofohan’ny hafa firenena amin’ny vavahadiny,

ka nanaovany loka an’i Jerosalema,

dia toy ny iray tamin’ireny koa ianao.

12 Aza faly mijery ny andron’ny rahalahinao,

amin’ny andro idiran-doza aminy;

aza mifaly amin’ny momba ny taranak’i Jodà,

amin’ny andro andringanana azy;

ary aza dia avoavo fiteny amin’ny andron’ny fahoriany.

13 Aza miditra ny vavahadin’ny vahoakako,

amin’ny andro ahitany loza;

aza faly mijery ny fahoriany koa ianao,

amin’ny andro ahitany loza;

ary aza maninji-tanana haka ny fananany,

amin’ny andro ahitany loza.

14 Aza miandry eo am-pihaonan-dalana,

hamono ny mandositra avy any aminy;

aza manolotra ireo afa-nandositra,

amin’ny andron’ny fahoriany.

15 Fa efa akaiky ny andron’i Iaveh

amin’ny firenena rehetra;

ka toraky ny nataonao no hatao aminao;

hitsingerina ho eo an-dohanao, ny asanao.

Andron’i Iaveh, famalian’i Israely an’i Edôma

16 Fa toy ny nisotroanareoteo an-tendrombohitro masina,

no hisotroan’ny firenena rehetratsy an-kijanona koa;

hisotro izy, hitelina izy,

ary ho toy ny tsy nisy akory izy.

17 Ao an-tendrombohitr’i Siôna kosa hisy sisa nanamborana;

ho fitoerana masina izy;

ary hahazo ny fananany indray ny taranak’i Jakôba.

18 Ny taranak’i Jakôba, ho afo;

ny taranak’i Josefa, ho lelafo;

ary ny taranak’i Esao kosa, ho bozaka;

ka harehitr’ireo izy sy holevoniny,

dia tsy hisy miangana ny taranak’i Esao,

fa i Iaveh no efa niteny.

I Israely vaovao

19 Ny tendrombohitr’i Esao, ho lasan-dry zareo any Negeba,

ary ny tanin’ny Filistinina ho an-dry zareo amin’ny Sefelah;

hanana ny faritanin’i Efraima izy ireo,

mbamin’ny faritanin’i Samaria;

ary ny any Benjamina hahalasa an’i Galaada.

20 Ireo lasan-ko babo tamin’ny tafiky ny zanak’i Israely

hahalasa ny tanin’ny Kananeanina, hatrany Sareptà.

Ary ireo lasan-ko babo tamin’i Jerosalema izay any Sefarada

hanana ny tanàna any amin’i Negeba.

21 Ka hisy Mpamonjyhiakatra ao an-tendrombohitra Siôna

hitsara ny tendrombohitr’i Esao;

ary ho an’i Iaveh ny Fanjakana.

Categories
Jônasy

Jônasy 1

Nandà ny nanirahana azy i Jônasy

1 Ary tonga tamin’i Jônasy zanak’i Amatì, ny tenin’i Iaveh, nanao hoe:

2 «Mitsangana ianao, ka mankanesa any Niniva,tanàna lehibe, hitory ny hamelezana azy, fa tafakatra hatraty Amiko ny haratsian’izy ireo».

3 Dia nitsangana i Jônasy handositra ho any Tarsisa, lavitra ny tavan’i Iaveh. Nidina tany Jôpeizy, dia nahita sambo ho any Tarsisa, ka naloany ny saran-tsambo, dia niditra tao izy, hiaraka amin’izy ireoho any Tarsisa, lavitra ny tavan’i Iaveh.

4 Fa i Iaveh kosa nampifofofofo ny rivo-mahery teny amin’ny ranomasina, ka nisy tafio-drivotra teny amin’ny ranomasina; ny sambo efa nila ho vaky.

5 Raiki-tahotra ny matilò ka samy nitaraina tamin’izay andriamaniny avy, sady nanary ny zavatra tao an-tsambo tany anaty ranomasina, mba hanamaivana azy; fa i Jônasy kosa nidina tao ambodi-sambo, dia nandry ka renoka natory tao.

6 Avy nanatona azy ny kapitenin-tsambo, ka nanao taminy hoe: «Inona ity ataonao no matory foana? Mitsangàna antsoy ny Andriamanitrao, ndrao mba mihevitra antsika Andriamanitra, ka tsy ho faty isika».

7 Ary nifampilaza izy ireo nanao hoe: «Avia, hanao filokàna isika, mba hahafantarantsika izay mahatonga izao loza izao amintsika». Dia nanao filokana izy dia i Jônasy no voan’nyfilokana.

8 Izay izy ireo nanao taminy hoe: «Lazao aminay re, izay mahatonga izao loza izao amintsika! Inona no raharahanao; avy aiza ianao; aiza no taninao; ary inona no firenenao?»

9 Ka izao no navaliny azy ireo: «Hebrio aho, ary i Iaveh, Andriamanitry ny lanitra, izay nanao ny tany aman-dranomasina, no ivavahako».

10 Dia raiki-tahotra mafy ireo olona ireo, ka nanao taminy hoe: «Inona izany ataonao izany!» Satria fantatr’ireo olona ireo fa nandositra lavitra ny tavan’i Iaveh izy, fa efa nambarany taminy izany.

11 «Hataonay ahoana ianao, hoy ireo taminy, dia hitony amintsika ny ranomasina?» Fa mbola nihananonja, nihananonja mafimafy kokoa ny ranomasina.

12 Ka hoy ny navaliny azy: «Raiso aho ka atsipazo any anaty ranomasina, ka hitony aminareo ny ranomasina; satria fantatro fa noho ny amiko, no mahatonga izao tafio-drivotra mafy izao aminareo».

13 Nivory ny olona mba hitondra ny sambo hitody amin’ny tany maina, fa tsy afaka; satria nihananonja mafimafy kokoa nanohitra azy ny ranomasina.

14 Koa dia niantso an’i Iaveh izy nanao hoe: «Endrey! ry Iaveh ô! aoka tsy ho faty noho ny amin’ny ain’ity lehilahy ity izahay na ataonao milonjo ny ra tsy manan-tsiny, satria Ianao no nanao araka izay sitrakao, ry Iaveh ô!»

15 Dia noraisiny i Jônasy, natsipiny tany amin’ny ranomasina, ka nitony ny fisafoakan’ny ranomasina. Ary raiki-tahotra mafy an’i Iaveh ny olona, ka nanatitra sorona ho an’i Iaveh, sy raki-boady.

Categories
Jônasy

Jônasy 2

Voavonjy i Jônasy

1 Naniraka hazandrano lehibe anankiray i Iaveh hitelina an’i Jônasy; ka tao an-kibon’ny hazandrano i Jônasy, hateloana andro sy hateloana alina.

2 Dia nivavaka tamin’i IavehAndriamaniny i Jônasy, tao an-kibon’ny hazandrano,

3 ka nanao hoe:

«Niantso an’i Iaveh tao anatin’ny fahoriako aho,

ary namaly ahy Izy;

nitaraina aho tao an-kibon’ny Seoly,

ka nihaino ny feoko Ianao.

4 Natsipinao tany amin’nyhantsana aho,

dia tany anatin’ny ranomasina,

ka ny riaka nanodidina ahy;

ny alon-dranonao aman’onjanao rehetra

nandeha teo amboniko.»

5 Dia hoy aho hoe:

Voaroaka tsy ho eo imasonao aho;

nefa mbola hibanjina ny Tempolinao masina.

6 Ny rano nanery ahy hatramin’ny aiko;

ny hantsana be nanodidina ahy;

ny ahi-dranomasina nangeja ny lohako.

7 Tafalentika hatrany amin’ny fanambanin’ny tendrombohitra aho;

ny hidin’ny tany efa voahidy tamiko mandrakizay.

Kanjo Ianao kosa, nampiakatra ny aikoavy any an-davaka,

ry Iaveh Andriamanitro ô!

8 Raha rerakatao anatiko ny fanahiko,

dia nahatsiaro an’i Iaveh aho;

ka tonga hatrany aminao ny fivavahako,

hatrany an-tempolinao masina.

9 Izay miraiki-po amin’ny zava-poana tsinontsinona

dia mandao ilay fototry ny famonjena.

10 Fa izaho kosa, dia amin’ny feo fiderana Anao,

no hanolorako sorona Aminao;

ary ny voady nataoko hoefaiko.

An’i Iaveh ny famonjena!

11 Dia nandidy ilay hazandrano i Iaveh,

ka naloan’ny hazandrano teny amin’ny tany i Jônasy.

Categories
Jônasy

Jônasy 3

Nibebaka i Niniva ka navelan’Andriamanitra

1 Tonga fanindroanytamin’i Jônasy ny tenin’i Iaveh, nanao hoe:

2 «Mitsangàna ianao mandehana mankany Niniva, tanàna lehibe, hitory aminy ny toriteny lazaiko aminao».

3 Dia nitsangana i Jônasa, ka nankany Niniva, araka ny tenin’i Iaveh. Ary i Niniva dia tanàna lehibe teo anatrehan’Andriamanitra, fa lalan-kateloana.

4 Nanomboka niditra tao anatin’ny tanàna, lalana indray andro aloha i Jônasy, ka nitory izy nanao hoe: «Rehefa afaka efapolo andro, dia horavana i Niniva!»

5 Nino an’Andriamanitrany olona tao Niniva, ka niantso fifadian-kanina sy nitafy lasàkaavokoa, hatramin’ny lehibe indrindra ka hatramin’ny kely indrindra.

6 Dia nampandrenesina izany ny mpanjaka, ka niala teo amin’ny seza fiandrianany, nanesotra ny kapaotiny, mirakotra lasàka, ary nipetraka teo amin’ny lavenona.

7 Ary nantsoina tao Niniva sy nolazaina araka ny didin’ny mpanjaka sy ny mpanapaka aminy izao teny izao: «Aza misy manandrana zavatra akory na miraotra sy misotro rano, na olona na biby, na omby aman’ondry;

8 aoka samy hirakotra lasàka ny olona sy ny biby; ary aoka izy ireo hitaraina mafy amin’Andriamanitra, samy hiala amin’ny lalan-dratsiny sy ny asa fahasiahana fanaon’ny tanany avy.

9 Ndrao mba avy ihany izay hanenenan’Andriamanitrasy hitonen’ny hatezerany mirehitra, ka mba tsy haripaka isika».

10 Nahita ny nataon’izy ireo, sy ny nialany tamin’ny lalan-dratsiny Andriamanitra, ka nanenina tamin’ny loza voalazany hamelezana azy ireo Andriamanitra, ka dia tsy notanterahiny indray izany.

Categories
Jônasy

Jônasy 4

Sosotra i Jônasy fa novalian’Andriamanitra

1 Nampalahelo mafy an’i Jônasy izany ka tezitra terỳ izy.

2 Nanao fivavahana tamin’i Iaveh izy hoe: «Indrisy Iaveh ô! Tsy izao indrindra va no nolazaiko, fony aho mbola tany amin’ny taniko. Koa izany no nandosirako tany Tarsisa aloha, satria fantatro fa Andriamanitra mamindra fo sy miantra, malain-kitezitra, be fitiavana Ianao, ary manenina amin’ny loza voalazanao.

3 Koa ankehitriny, Iaveh ô, esory amiko ny fanahiko, fa aleoko maty toy izay velona».

4 Fa hoy ny navalin’i Iaveh: «Mety va ny hatezeranao?»

5 Dia nivoaka ny tanàna i Jônasy, ka nipetraka teo atsinanan-tanàna, nanao trano rantsan-kazo ho azy, sy nipetraka nialokaloka teo ambonin’io mandra-pahitany izay hanjò ny tanàna.

6 Ary i Iaveh Andriamanitra, nampaniry tanantanamanga, izay nisondrotra teo ambonin’i Jônasy, mba hialokalofan’ny lohany mba hanafahana azy amin’ny alahelony; ka nahatsiaro faly erỳ i Jônasy tamin’ny tanantanamanga.

7 Kanjo nony ampitso raha vao niposaka ny mazava atsinanana, dia nandefa fositra i Iaveh hamely ilay tanantanamanga, ka tonga maina izy.

8 Nony niposaka indray ny masoandro, nandefa rivotra mahamay avy any atsinanana i Iaveh sady nasiany masoandro ny lohan’i Jônasy, ka efa ana mihitsy izy. Nangataka ny ho faty izy ka nanao hoe: «Aleoko maty toy izay ho velona».

9 Fa hoy i Iaveh tamin’i Jônasy: «Mety va izao hatezeranao noho ny amin’ny tanantanamanga izao?». Ka hoy ny navaliny: «Mety ny hatezerako mandra-pahafatiko».

10 Dia hoy i Iaveh: «Ianao malahelonoho ny amin’ny tanantanamanga izay tsy nisasaranao, tsy nampanirianao, izay naniry tamin’ny indray alina monja, dia maty tanatin’ny indray alina koa;

11 ka Izaho va tsy mba halahelo noho ny amin’i Niniva, tanàna lehibe, izay misy olona tsy omby roa alina sy iray hetsy, tsy mahay manavaka ny havanany amin’ny haviany, ary biby be dia be!»