Baiboly Katolika (MBC)

Fisehoana hita fahefatra: ny nampitafiana an’i Jesosy

1 Nasehony ahy i Jesosy, mpisorona lehibe, nitsangana teo anatrehan’ilay Anjelin’i Iaveh, ary i Satana nitsangana teo ankavanan’iomba hanohitra azy.

2 Dia hoy i Iaveh tamin’i Satana: «Aoka hosakanan’i Iaveh ianao, izay nifidy an’i Jerosalema! Tsy forohana nosarihina avy amin’ny afo va ity?»

3 Ary nitafy maloto i Jesosy sy nitsangana teo anatrehan’ilay Anjely.

4 Ary niteny ilay Anjely ka nilaza tamin’ireo nitsangana teo anatrehany nanao hoe: «Esory ny fitafiana maloto eny aminy.» Dia hoy izy taminy: «Jereo, efa noesoriko taminao ny haratsianao; sady fitafiana fitondra amin’ny fetyno natafiko anao.»

5 Ary hoy aho: «Aoka hasiana hamama madioeo an-dohany.» Dia nasian’izy ireo hamama madio teo an-dohany, sady notafiany izy; ary nitsangana teo ilay Anjelin’i Iaveh.

6 Ka izao no fanambaràna nolazain’ilay Anjelin’i Iaveh, tamin’i Jesosy:

7 Izao no lazain’i Iavehn’ny tafika: Raha mizotra amin’ny lalako ianao sy mahatoky ianao amin’ny fanaovana ny raharahako, dia hanapaka ny tranoko koa ianao; sy hiambina ny kianjako, sady havelako malalaka hiditra ho isan’ireto izay mitoetra atỳ.

Ny nahatongavan’ilay «Solofo»

8 Mihainoa àry, ry Jesosy, mpisorona lehibe,

ianao sy ireo namanaomipetraka eo anoloanao:

– fa olona hatao fambara ireo:

Indro Aho efa hampiavy ilay Solofo, mpanompoko.

9 Fa inty ny vatonapetrako eo anoloan’i Jesosy;

maso fito no amin’izay vato tokana izay;

indro Aho efa hisikotra ny hosokirina aminy,

– teny marin’i Iavehn’ny tafika, –

ary hoesoriko indray andro monja

ny helok’ity tany ity!

10 Amin’izany andro izany, – teny marin’i Iavehn’ny tafika, –

samy hifanasa avy ianareo, eo ambanin’ny voaloboka sy eo ambanin’ny aviavy.

Fisehoana hita fahadimy: ny fanaovan-jiro sy ireo fototr’ôliva

1 Niverina ilay Anjely niresaka tamiko, ary nofohaziny, toy ny famoha olo-matory, aho,

2 sy nilazany hoe: «Inona no hitanao?» Ka hoy ny navaliko azy: «Nahita aho ka inty fanaovan-jiro maro rantsanairay, tena volamena izy manontolo misy tavy eo an-tampony, mitondra lalampy fito amam-pantsona fito avy amin’ireo lalampy eo an-tampon’ny fanaovan-jiro.

3 Ary hazo ôliva roa no manotrona azy, ny iray eo ankavanan’ny tavy, ary ny iray eo ankaviany.»

4 Dia notohizako ny teniko, ka hoy aho tamin’ilay Anjely niresaka tamiko: «Inona no hevitr’ireo zavatra ireo, tompoko?»

5 Namaly ilay Anjely niresaka tamiko ka nanao tamiko hoe: «Tsy fantatrao va ny hevitr’ireo zavatra ireo?» Ary hoy ny navaliko azy: «Tsia, tompoko.»

6 Dia namaly niteny ilay Anjely ka nanao tamiko hoe:

Teny telo momba an’i Zôrôbabela

«Izao no tenin’i Iaveh tamin’i Zôrôbabela, izany hoe: Tsy amin-tafika na amin-kery, fa amin’ny Fanahiko, hoy i Iavehn’ny tafika.

7 Iza moa ianao, ry tendrombohitra lehibe, eo anoloan’i Zôrôbabela? Ho tany lemaka ihany ianao. Ary izy hanangana ny vato hatao tendrony, eo amin’ny fihobiana hoe: ‹Fahasoavana, fahasoavana anie ho ao aminy!› »

8 Tonga tamiko ny tenin’i Iaveh nanao hoe:

9 Ny tanan’i Zôrôbabela no nametraka ny fanorenan’ity trano ity, ary ny tanany koa no hamita azy; ka dia ho fantatrao fa i Iavehn’ny tafika no naniraka ahy ho aminao.

10 Fa iza no hanamavo ny andron’ny zava-madinika? Hifaly izy ireo mahita ny pilao eny an-tanan’i Zôrôbabela.

Ireo lalampy fito ireo, dia ny mason’i Iaveh mitety ny tany rehetra.

11 Dia niteny indray aho, ka nanao taminy hoe: «Inona ireto ôliva roa, eo ankavanan’ny fanaovan-jiro sy eo ankaviany?»

12 Mbola niteny fanindroany koa aho, ka nanao taminy hoe: «Inona ireo sampahon’ôliva roa eo amin’ny lantônoara volamena, ikararànam-bolamena, ireo?»

13 Niteny tamiko izy nanao hoe: «Tsy fantatrao va ireo?» Ka hoy ny navaliko azy: «Tsia, tompoko.»

14 Ary hoy izy tamiko: «Ireo no zanaka roan’ny fanosorana, izay mitsangana eo akaikin’ny Tompon’ny tany rehetra.»

Fisehoana hita fahenina: ilay boky manidina

1 Natopiko indray ny masoko, ka nahita aho: Ary indro nisy horonan-taratasy nanidina.

2 Ary hoy izy tamiko: «Inona no hitanao?» Ka hoy aho: «Horonan-taratasy manidina, roapolo hakiho ny lavany, folo hakiho ny sakany, no hitako.»

3 Dia hoy izy tamiko: «Io no ozona mivoaka ho eo ambonin’ny tany rehetra; fa araka ny voasoratra ao, izay rehetra mangalatra, hosorohina hiala eto; ary araka ny voasoratra ao, izay rehetra mianiana hosorohina hiala eto.

4 Izaho no nandefa izany ozona izany, – teny marin’i Iavehn’ny tafika, – ka ho tonga ao amin’ny tranon’ny mpangalatra sy amin’ny tranon’ny mianiana tsy tò amin’ny Anarako, dia hitoetra ao afovoan’izany trano izany ary handevona azy mbamin’ny hazony sy ny vatony.»

Fisehoana hita fahafito: ilay vehivavy anaty vata famarana

5 Niseho indray ilay Anjely niresaka tamiko, ary nanao tamiko hoe: «Atopazo ny masonao, ka jereo io miseho io.» Dia hoy aho: «Inona io?»

6 Ary hoy izy: «Ny efahno miseho»; sady nampiany hoe: «Mifantoka amin’io avokoa ny fijerin’izy ireo, any amin’ny tany rehetra.»

7 Ary indro nisy vongam-pìraka boribory naingaina, ary nisy vehivavy anankiraynipetraka teo afovoan’ny efah.

8 Dia hoy izy hoe: «Io vehivavy io no haratsiam-panahy.» Dia natosiny ho ao afovoan’ny efahizy io, sady natontany teo am-bavan’io ilay vongam-pìraka.

9 Ary natopiko ny masoko, dia nahita aho. Ary indro nisy vehivavy roa niseho, ka ny rivotra, nitsoka tamin’ny elany; nanana elatra toy ny an’ny vano izy; ary ny efah nentiny ho eo anelanelan’ny lanitra sy ny tany.

10 Ka hoy aho tamin’ilay vehivavy niresaka tamiko: «Hoentiny ho aiza ity efah?»

11 Dia hoy ny navaliny ahy: «Hoentiny hanaovan-trano ho azy, any amin’ny tany Senaara, ka rehefa voaorina izany, dia hapetraka ao izy, ao amin’ny fitoerany.»

Fisehoana hita fahavalo: ireo kalesy

1 Natopiko indray ny masoko ka nahita aho: Dia indro kalesy efatra nivoaka avy tao anelanelan’ny tendrombohitra roa, ary tendrombohitra varahinaireo tendrombohitra ireo.

2 Ny kalesy voalohany nisy soavaly menapìny, ny kalesy faharoa nisy soavaly mainty;

3 ny kalesy fahatelo nisy soavaly fotsy, ary ny kalesy fahefatra nisy soavaly sadamena mavitrika.

4 Dia niteny tamin’ilay Anjely niresaka tamiko aho, ka nanao hoe: «Iza moa ireto, tompoko?»

5 Ary namaly ahy ny Anjely, ka nanao hoe: «Ireo no rivotra efatry ny lanitratonga avy nitsangana teo anatrehan’ny Tompon’ny tany rehetra.

6 Ny kalesy nisy ireo soavaly mainty no nivoaka ho amin’ny tany avaratra; ireto fotsy no nivoaka nanaraka ireo, ary ireto sada no nivoaka ho amin’ny tany atsimo.»

7 Nony nivoaka ireo mavitrika, dia nangataka hiainga mba hitety ny tany; ka hoy ny Anjely tamin’ireo: «Mandehana mitety ny tany»; dia nitety ny tanyireo.

8 Ary niantso ahy izy, ka nanao tamiko hoe: «Jereo, fa ireo nivoaka ho amin’ny tany avaratra, dia nampionona ny fanahiko tamin’ny tany avaratra.»

Satroboninahitra atolotra

9 Tonga tamiko ny tenin’i Iaveh, nanao hoe:

10 «Handray avy eo an-tanan’ireo babo ianao, dia avy eny an-tanan’i Holdaì sy i Tobia ary i Idaia; – ka ny tenanao no handeha amin’izany andro izany ho any an-tranon’i Josiasa, izay nidiran’izy ireo, nony vao tonga avy any Babilôna izy;

11 – ka mandraisa volafotsy sy volamena, hanaovanao satroboninahitra, dia ataovy eo an-dohan’i Jesosy, mpisorona lehibe, zanak’i Josedeka.

12 Lazao aminy hoe: Izao no lazain’i Iavehn’ny tafika: ‹Indro lehilahy anankiray atao hoe Solofo; hitsimoka eo amin’ny fitoeranyizy, ka hanao ny tempolin’i Iaveh.

13 Izy no hanao ny tempolin’i Iaveh, hotafiana fiandrianana, hipetraka ho mpanjaka eo amin’ny seza fiandrianany, ho mpisorona eo amin’ny seza fiandrianany, ary hisy fisainam-pihavanana eo amin’izy roaroa.

14 Ary ny satroboninahitra dia ho an’i Helema, i Tobia, i Idaia ary i Hena, zanak’i Sôfônia, ho fahatsiarovana ao an-tempolin’i Iaveh.

15 Ho tonga hanao ny tempolin’i Iaveh ny avy lavitra, ka ho fantatrareo fa i Iavehn’ny tafika no naniraka ahy ho atỳ aminareo. Ho tanteraka izany, raha manaiky tsara ny feon’i Iaveh ianareo.› »

Momba ny fifadian-kanina

1 Tamin’ny taona fahefatra nanjakan’i Dariosa, tonga tamin’i Zakaria ny tenin’i Iaveh, tamin’ny andro fahefatry ny volana fahasivy, volana Kasleo.

2 Naniraka an’i Sarasara sy i Rogomeleky mbamin’ny olony, ny tany Betela hitalaho amin’i Iaveh,

3 hiteny amin’ireo mpisorona ao an-tranon’i Iavehn’ny tafika mbamin’ireo mpaminany hoe: «Tokony hitomany va aho, amin’ny volana fahadimy, sy hanao fifadian-kanina, toy ny efa nataoko hatramin’ny taona maro be?»

Fiverenana amin’ny tantaram-pirenena

4 Dia tonga tamiko ny tenin’i Iavehn’ny tafika nanao hoe:

5 «Mitenena ianao amin’ny vahoaka rehetra amin’ny tany mbamin’ny mpisorona, ka lazao amin’izy ireo hoe: ‹Raha nifady hanina sy nanao fisaonana ianareo, tamin’ny volana fahadimy sy fahafito, efa hatramin’ny fitopolo taona izay, moa ho Ahy va no nifadianareo hanina?

6 Ary raha mihinana sy misotro ianareo moa tsy ny tenanareo va no mihinana sy misotro?

7 Moa tsy eo va ireo teny nolazain’i Iaveh tamin’ny vavan’ny mpaminany fahiny, fony mbola nonenana sy nandry feizay i Jerosalema, mbamin’ny zana-bohiny manodidina azy, sady mbola nonenana koa ny Negeba sy ny Sefelah?› »

8 Tonga tamin’i Zakaria ny tenin’i Iaveh, nanao hoe:

9 Izao no nolazain’i Iavehn’ny tafika: «Manaova fitsarana marina; samia mamindra fo sy miantra ny namany avy,

10 aza mampahory ny mpitondratena, na ny kamboty, na ny vahiny, na ny mahantra; ary aza misain-dratsy ao am-ponareo, hamelezana ny namanareo.»

11 Tsy nety nihaino anefa izy ireo, fa nampiodina ny sorony sy nanamafy ny sofiny tsy hahare.

12 Nataony tonga toy ny diamondra ny fony tsy hihaino ny lalàna sy ny teny nampitondrain’i Iavehn’ny tafika azy ireo, nolazain’ny Fanahiny tamin’ny alalan’ny mpaminany fahiny. Koa nisy fahatezerana mafy avy amin’i Iavehn’ny tafika.

13 Ka dia nisy toy izao: Toy ny niantsoany, fa tsy nohenoin’izy ireo; no hiantsoan’izy ireo koa, fa tsy hohenoiko izy ireo, hoy i Iavehn’ny tafika.

14 Haeliko any amin’ny firenena rehetra tsy fantany izy ireo, ka ny tany eo aorian’izy ireo hipetraka foana, ary tsy hisy olona handalo na hiverina ao. Ilay tany mahafinaritra iny, ka nataony zary efitra.

Fanantenam-pamonjena hoentin’ny Mesia

1 Tonga ny tenin’i Iavehn’ny tafika, nanao hoe:

2 Izao no lazain’i Iavehn’ny tafika: «Saro-piaro dia saro-piaro an’i Siôna Aho, sady entim-pahatezerana mafy Aho noho ny aminy.»

3 Izao no lazain’i Iaveh: «Tafaverina eto i Siôna Aho, ka te honina eo afovoan’i Jerosalema; i Jerosalema hantsoina hoe: ny tanànan’ny fahamarinana; ary ny tendrombohitr’i Iavehn’ny tafika, hatao hoe: ny tendrombohitry ny fahamasinana.»

4 Izao no lazain’i Iavehn’ny tafika: «Mbola hisy anti-dahy sy anti-bavy indray, hipetraka eny amin’ny kianja any Jerosalema, samy hitana tehina avy noho ny andro niainany efa maro.

5 Ny kianjan’ny tanàna ho feno zazalahy aman-jazavavy milalao, eny amin’ny kianjany.»

6 Izao no lazain’i Iavehn’ny tafika: «Amin’izany andro izany, na hiseho ho zava-mahagaga aza izany eo imason’izay sisa amin’ity firenena ity, moa ho zava-mahagaga eo imasoko koa va izany.» – teny marin’i Iavehn’ny tafika? –

7 Izao no lazain’i Iavehn’ny tafika: «Indro Aho hanafaka ny vahoakako avy any amin’ny tany atsinanana sy ny tany andrefana;

8 hoentiko mody izy honina ao afovoan’i Jerosalema, ka izy ho vahoakako ary Izaho ho Andriamaniny, amin’ny rariny sy ny hitsiny.»

9 Izao no lazain’i Iavehn’ny tafika: «Aoka hatanjaka ny tananareo, ianareo izay mandre amin’izao andro izao, ireto teny avy amin’ny vavan’ny mpaminanyireto, izay niteny tamin’ny andro nametrahana ny fanorenana ny tranon’i Iavehn’ny tafika, mba ho voaorina indray ny tempoly.

10 Talohan’izany andro izanytsy nisy karama ho an’ny olona, tsy nisy karama ho an’ny biby, tsy nisy azon’izay nivoaka sy niditra hitokiana amin’ny fahavalo, fa nalefako hifamely avokoa ny olona rehetra.

11 Ankehitriny kosa Aho efa tsy tahaka ny tamin’ny andro taloha intsony, amin’izay sisa amin’ity firenena ity, – teny marin’i Iavehn’ny tafika. –

12 – Fa ny voa afafy hirobona, ny voaloboka, hamoa ny voany; ny tany, hahavokatra ny vokany; ny lanitra, handatsaka ny andony; ary izay sisa amin’ity firenena ity no hataoko tompon’izany zavatra rehetra izany.

13 Ary hisy toy izao: Toy ny naha-fanozonana anareo tany amin’ny firenena, ry taranak’i Jodà sy taranak’i Israely, no hanafahako anareo, ka hahatongavanareo ho fitsofan-drano. Aza matahotra fa aoka hatanjaka ny tananareo!»

14 Fa izao no lazain’i Iavehn’ny tafika: «Toy ny nikasako hahatonga loza taminareo fony nihantsy ny hatezerako ny razanareo, hoy i Iavehn’ny tafika, ka tsy nanenenako izany,

15 no ikasako kosa indray amin’izao andro izao, ny hanisy soa amin’i Jerosalema sy amin’ny taranak’i Jodà; ka aza matahotra.

16 Izao no zavatra tsy maintsy hotandremanareo: Samia milaza ny marina amin’ny namany avy; mamoaha fitsarana eo am-bavahadinareo araka ny marina ary mba hihavanan’ny olona;

17 aza misaintsaina ao am-ponareo ny lozan’ny namanareo, ary aza tia ny fianianan-tsy to; fa halako avokoa izany rehetra izany,» – teny marin’i Iaveh. –

Valin’ny fanontaniana momba ny fifadian-kanina

18 Tonga tamiko ny tenin’i Iavehn’ny tafika, nanao hoe:

19 Izao no lazain’i Iavehn’ny tafika: «Ny fifadian-kanina amin’ny volana fahefatra, ny fifadian-kanina amin’ny fahadimy, ny fifadian-kanina amin’ny fahafito, ary ny fifadian-kanina amin’ny volana fahafolo, dia hanjary andro fifaliana amam-piravoravoana sy ho fety lehibe, ho an’ny taranak’i Jodà.»

Fanantenam-pamonjena hoentin’ny Mesia

20 Izao no lazain’i Iavehn’ny tafika: «Mbola ho avy koa ny firenena ama-mponina avy amin’ny tanàna maro.

21 Ny mponina avy amin’ny iray, hankany amin’ny iray hafa, ka hanao hoe: ‹Andao, andao re isika, hifona amin’i Iaveh sy hitady an’i Iavehn’ny tafika! – Izaho koa mba handeha!›

22 Ka vahoaka maro amam-pirenena mahery no ho avy hitady an’i Iavehn’ny tafika ao Jerosalema, sy hifona amin’i Iaveh.»

23 Izao no lazain’i Iavehn’ny tafika: «Amin’izany andro izany, hisy folo lahy avy amin’ny fitenim-pirenena rehetra, ka hihazona, eny hihazona ny sisin-damban’ny Jody anankiray, ka hanao hoe: Mba handeha hiaraka aminareo koa izahay, fa efa renay fa momba anareo Andriamanitra!»

Ny tany vaovao

1 Teny fitsarana.

Tenin’i Iaveh mamely ny tany Hadràky;

ary ao Damasa no ho fonenany,

– fa ny mason’i Iaveh dia eo amin’ny olona,

sy eo amin’ny fokon’i Israely rehetra; –

2 ary koa ao Hamata, mifanolotra amin’i Damasa,

sy ao Tira mbamin’i Sidona,

satria be fahendrena izy.

3 I Tira dia nanao trano mimandaho azy,

nanangona volafotsy hoatra ny vovoka,

sy volamena hoatra ny fotaka eny an-dalambe.

4 Indro fa ho azon’ny Tompo izy io;

hasiany ny heriny eny amin’ny ranomasina,

ary ny tenany ho levonin’ny afo.

5 Hahita izany i Askalôna, ka hatahotra;

i Gazà koa hiolanolana azon’ny fijaliana;

ary i Akarôna koa, fa efa ho levona ny fanantenany.

I Gazà, tsy hana-mpanjaka intsony,

ary tsy honenana intsony i Askalôna.

6 Vahiny tsy manjary no haka fonenana ao Azota,

ary hofoanako ny avonavon’ny Filistinina.

7 Hoesoriko avy any am-bavany ny rany;

ary avy eo anelanelan’ny nifiny ny fahavetavetany;

ka izy koa dia ho sisa ho an’ny Andriamanitsika;

ho toy ny lohany amin’i Jodà,

ary i Akarôna ho toy ny Jeboseanina.

8 Hitoby manodidina ny tranoko Aho;

hiaro azy amin’ny tafika rehetra sy amin’ny mpandehandeha rehetra;

ka tsy hisy mpampahory hamaky eo aminy intsony,

fa ny masoko no efa nahita ankehitriny.

Ny Mesia

9 Mifalia amin’ny hafaliana lehibe, ry zanaka vavin’i Siôna!

Manaova feo firavoravoana, ry zanaka vavin’i Jerosalema.

Fa indro ny Mpanjakanao avy ho atỳ aminao;

marina izy sady arovan’Andriamanitra;

manetry tena mitaingina ampondra

dia ampondra tanora, zanak’ampondravavy.

10 Hofoanako tsy hisy ny kalesy fiadiana any Efraima,

mbamin’ny soavaly ao Jerosalema,

ary hopotehina ny tsipìka fiadiana.

Hilaza fiadanana amin’ny firenena izy;

ny fanjakany dia hahatratra ny hatramin’ny ranomasina

ka hatramin’ny ranomasina;

ary hatramin’ny ony ka hatramin’ny faran’ny tany.

Fiarenan’i Israely

11 Ho anao koa, noho ny ran’ny fanekena taminao,

no efa hamoahako ny mpifatotrao, avy ao an-davaka tsy misy rano.

12 Miverena ho ao amin’ny fitoerana mimanda,

ianareo babon’ny fanantenana.

Mbola lazaiko anio izao:

Indroa heny no haveriko aminao.

13 Fa henjaniko ho Ahy i Jodà,

ary ataoko amin’ny tsipìka i Efraima.

Hamporisika ny zanakao Aho, ry Siôna,

hiady amin’ny zanakao, ry Javàna,

ary hataoko toy ny sabatry ny lehilahy mahery ianao.

14 Hiseho eo ambonin’izy ireo i Iaveh,

hitsoriaka toy ny helatra, ny zana-tsipìkany.

Hampaneno ny trômpetra ny Tompo Iaveh,

ary handroso amin’ny tafio-drivotra any atsimo.

15 Harovan’i Iavehn’ny tafika izy ireo;

ka handevona, hanitsakitsaka ny vaton’antsamotady,

hisotro, hihavatràvatra toy ny azon-divay,

ary ho feno toy ny kapoaka fisoronana,

toy ny tandroky ny ôtely.

16 I Iaveh, Andriamaniny, no ho famonjena azy ireo,

amin’izany andro izany;

dia ho famonjena ny andian’ondry izay vahoakany;

izy ireo ho toy ny vaton-tsatroboninahitra,

hamirapiratra eo amin’ny taniny.

17 Endrey izany fandrosoana,

endrey izany hatsaran-tarehin’izy ireo!

Ny vary, hampitombo ny zatovo,

ary ny divay vaovao, hampitombo ny virjiny.

Firaiketam-po amin’i Iaveh

1 Mangataha amin’i Iaveh ny ranonorana amin’ny lohataona.

Satria fa i Iaveh no manao ny helatra;

ka homeny ranonorana be izy ireo,

ary ahitra, eny an-tsahan’izy rehetra tsirairay avy.

2 Fa ny terafima nilaza zava-poana,

ary ny ombiasy nahazo fahitana lainga;

nofy foana no ambaran’ireny,

ary fampiononana sandoka no omeny;

ka noho izany, izy ireo mandeha toy ny ondry;

nampahorina, fa tsy nisy mpiandry.

Fanafahana an’i Israely sy fiverenany

3 Nirehitra tamin’ny mpiandry ny fahatezerako,

ary hofaiziko ireo osy lahy!

Fa i Iavehn’ny tafika mamangy ny ondriny,

ny taranak’i Jodà,

ka manao azy toy ny soavalim-boninahiny eo amin’ny ady.

4 Avy aminy no hiavian’ny antoko-miaramila,

avy aminy ny orin-kazo, avy aminy ny tsipìka fiadiana;

avy aminy avokoa no hivoahan’ny filoha rehetra.

5 Izy ireo ho toy ny mpiady mahery,

manitsaka ny fotaka eny an-dalambe amin’ny ady;

hiady izy ireo, satria omban’i Iaveh,

ka hahasafo-kenatra an’ireo mitaingin-tsoavaly.

6 Hohatanjahiko ny taranak’i Jodà,

ary hovonjeko ny taranak’i Josefa;

hanangana azy indray Aho, fa mangoraka azy ireo;

ary ho toy ny tsy nariako akory izy,

fa i Iaveh Andriamaniny Aho, ka hihaino azy ireo.

7 Fa toy ny mpiady mahery, ry zareo Efraima,

hifaly toy ny fifaliana amin’ny divay ny fony;

hahita izany ireo zanany, ka hiravoravo,

ary hientan-kafaliana amin’i Iaveh ny fon’izy ireo!

8 Hisiaka eny aoriana azy eny Aho,

ka hanangona azy fa efa nanavotra azy;

dia hihamaro toy ny efa nihamaroany indray izy.

9 Rehefa nafafiko tany amin’ny firenena izy,

ka mahatsiaro Ahy any an-tany lavitra,

dia hiara-belona izy sy ny zanany, ka samy hiverina.

10 Hampodiko avy any amin’ny tany Ejipta izy ireo,

sy hangoniko avy any Asiria,

dia hoentiko ho ao amin’ny tany Galaada sy Libàna

ka tsy ho omby azy ny tany.

11 Hamaky ny ranomasina, ranomasim-pahoriana izy;

sy hikapoka ny onjan-dranomasina ao amin’ny rano,

dia ho tonga maina avokoa ny halalinan’ny ony.

Haetry ny avonavon’i Asiria,

ary halàna ny tehim-panjakan’i Ejipta.

12 Hampahereziko ao amin’i Iaveh izy ireo,

ka handeha amin’ny Anarany. – teny marin’i Iaveh. –

1 Vohay ny vavahadinareo, ry Libàna,

ary koa ho levon’ny afo ny sederanao!

2 Midradradradrà, ry sipresa, fa lavo ny sedera,

voasimba ny hazo tsara mahagaga.

Midradradradrà, ry oaka ao Basàna,

fa ripaka ny ala mikirindro!

3 Re mitomany migogogogo ny mpiandry ondry,

satria rava ny voninahiny;

re mieronerona ny liona tanora,

fa rava izay nireharehan’i Jordany.

Mpiandry ondry roa

4 Izao no lazain’i Iaveh, Andriamanitro: «Aoka ianao ho mpiandry an’ireo ondry atao famono,

5 izay vonoin’ny mpividy azy ka tsy misy mpiaro, ary ataon’ny mpivarotra azy hoe: ‹Hisaorana anie i Iaveh fa mitombo harena aho!› Ary ny mpiandry tsy mitsimbina azy akory.

6 Fa tsy hitsitsy ny mponina amin’ny tany intsony Aho, – teny marin’i Iaveh – indro Aho hanolotra ny lehilahy samy ho eo an-tanan’ny namany avy, sy ho eo an-tanan’ny mpanjakany avy, ka handrava ny tany ireo, nefa tsy hanafaka amin’ny tanan’ireo Aho.»

7 Dia nilatsaka ho mpiandry ireo ondry natao famono aho, mbamin’ireo mahantra indrindraamin’ny andiany. Naka tehim-piandrasana roa aho, ka ny iray nataoko hoe i Fahasoavana; ary ny iray nataoko hoe i Kofehy; dia nandrasako ny ondry.

8 Telo no mpiandry noesorikotanatin’ny iray volana monja.

Ary izaho, tsy nahatsindry fo tamin’ny ondry; izy ireo koa tofoka ahy.

9 Dia hoy aho: «Tsy hiandry anareo intsony aho, fa matesa izay ho faty, vereza izay ho very, ary mifampihinàna izay sisa!»

10 Nalaiko ilay tehiko Fahasoavana, dia notapahiko, mba hanafoanako ny fanekena nataoko tamin’ny firenena rehetra.

11 Dia voatapaka tamin’izay andro izay io ka dia fantatr’ireo ondry mahantra indrindra, izay nanao ahy ho zavatra, fa izany no tenin’i Iaveh.

12 Ary hoy aho taminy: «Omeo ny karamako, raha tsara eo imasonao izany; fa raha tsy izany, aza manome foana.» Dia nolanjain’izy ireo ny karamako ka sikla volafotsy telopolo.

13 Ary hoy i Iaveh tamiko: «Atsipazo ao amin’ny mpanefytanimanga izany, dia izay vidy benanombanana ahy!» Dia noraisiko ny vola telopolo sikla ka natsipiko tao an-tranon’i Iaveh ao amin’ny mpanefy tanimanga.

14 Raha efa izany, notapahiko koa ilay tehiko, i Kofehy, hanafoanako ny firahalahian’i Jodà sy i Israely.

15 Hoy i Iaveh tamiko: «Raiso amin’izao ny forongon’ny mpiandry vaovao.

16 Fa indro Aho hanangana mpiandry amin’ny tany, izay tsy hanan-draharaha amin’ny ondry maniasia, tsy hitady ny mihahaka, tsy hitsabo ny naratra, tsy hamahana ny salama, fa hihinana ny nofon’izay matavy, sy hamaky ny kitrony.

17 Loza ho an’ny mpiandry tsinontsinona, izay mandao ny ondry! Aoka hasian’ny sabatra ny sandriny sy ny masony ankavanana; ka ny sandriny ho maina, ary ny masony ankavanana ho faty!»

Fanafahana an’i Jerosalema sy fanavaozana azy

1 Didim-pitsarana.

Tenin’i Iaveh amin’i Israely.

Teny marin’i Iaveh,

izay namelatra ny lanitra sy nanorina ny tany,

ary namorona ny fanahin’ny olombelona ao anatiny:

2 Indro hataoko tokonana fanozongozonai Jerosalema

ho an’ny firenena manodidina rehetra;

ary ho an’i Jodà koa izany,

amin’ny hanaovana fahirano an’i Jerosalema.

3 Ary dia hisy zavatra toy izao amin’izany andro izany:

i Jerosalema hataoko vato haingaina

ho an’ny firenena rehetra;

ka izay hanainga azy haratra mafy avokoa,

ary hiangon-kamely azy, ny firenena rehetra amin’ny tany.

4 Amin’izany andro izany, – teny marin’i Iaveh, –

hataoko azon’ny fahatahorana mafy ny soavaly rehetra,

ary azon’ny fahaverezan-kevitra ny mpitaingina azy;

ny taranak’i Jodà, hisokafan’ny masoko;

fa ny soavalin’ny firenena kosa, hasiako fanjambana avokoa.

5 Ny filohan’i Jodà hanao anakampo hoe:

Ny mponina ao Jerosalema dia hery ho ahy

avy amin’i Iavehn’ny tafika, Andriamanitr’izy ireo.

6 Amin’izany andro izany, ireo filohan’i Jodà,

hataoko toy ny fatana mivaivay ao amin’ny hazo,

toy ny fanilo mirehitra, ao anaty amboaram-bary,

ka handevona ny firenena rehetra manodidina

eo amin’ny ankavanana sy eo amin’ny ankavia,

ary i Jerosalema dia mbola ho eo amin’ny fitoerana ao Jerosalema ihany.

7 Ny lain’i Jodà aloha no hovonjen’i Iaveh,

mba tsy hisandratra ambonin’i Jodà,

ny reharehan’ny taranak’i Davida,

sy ny reharehan’ny mponina ao Jerosalema.

8 Amin’izany andro izany, i Iaveh hanangana manda

manodidina ny mponina ao Jerosalema,

ary izay mangozohozo eo amin’izy ireo,

dia ho tahaka an’i Davida amin’izany andro izany,

ary ny taranak’i Davida ho tahaka an’Andriamanitra,

dia ho tahaka ilay Anjelin’i Iaveh, eo anoloan’izy ireo.

9 Ary hisy zavatra toy izao amin’izany andro izany:

Hataoko izay handringanana ny firenena rehetra,

tonga hamely an’i Jerosalema.

10 Ary haidiko amin’ny taranak’i Davida

sy amin’ny mponina ao Jerosalema

ny fanahin’ny fahasoavana amam-piofanana;

ka hatodiny ny masony hijery ahy izay nolefoniny.

Ary hanao fisaonana azy izy,

toy ny fisaonana zanaka lahitokana;

hitomany mafy azy izy ireo

toy ny fitomany zanaka lahy matoa.

11 Amin’izany andro izany, ao Jerosalema, hisy fisaonana lehibe

toy ny fisaonana tao Adadremôna,

amin’ny lohasahan’i Magedao.

12 Ho ao anatin’ny fisaonana ny tany, isam-pianakaviana manokana avy;

ny fianakavian’ny taranak’i Davida manokana,

ny vadin’ireo manokana;

ny fianakavian’ny taranak’i Natàna manokana,

ny vadin’ireo manokana;

13 ny fianakavian’ny taranak’i Levì manokana,

ny vadin’ireo manokana;

ny fianakavian’i Semeì manokana,

ny vadin’ireo manokana;

14 ny fianakaviana sisa rehetra,

samy manokana isam-pianakaviana, ary ny vadin’ireo manokana.