Baiboly Katolika (MBC)

Fitsarana

1 Indro i Iaveh handrava ny tany manontolo

sy hanavitsy ny mponina aminy,

ny vohon’ny tany hakorokorony; ary ny mponina haeliny.

2 Ary ho sahala ihany

no hanjò ny mpisorona sy ny vahoaka,

ny tompo sy ny mpanompo,

ny tompo vavy sy ny mpanompo vavy,

ny mpivarotra sy ny mpividy,

ny mpisambotra sy ny mpampisambotra.

3 Hosimbana sy hatolotra horobaina, ny tany,

fa izany no teny notononin’i Iaveh.

4 Ny tany misaona sy majifa;

izao tontolo izao, milofika sy majifa;

ny nalaza indrindra amin’ny mponina eto an-tany milofika.

5 Voatolon’ny mponina aminy, ny tany,

satria izy ireo nandika ny lalàna,

nivadika tamin’ny didy,

nandrava ny fanekena mandrakizay.

6 Noho izany ny tany levon’ny ozona;

ny mponina aminy, mivesatra ny valin’ny helony;

ka dia levona ny mponina amin’ny tany,

fa vitsy ny isan’ny olona tavela.

Ho rava ny tanàna

7 Ny ranom-boaloboka misaona; ny fotony milofika;

ireo nifaly am-po rehetra misento.

8 Nitsahatra ny feon’ampongatapaka falifaly,

tapaka ny fety be horakoraka,

nitsahatra ny feon-dokanga falifaly.

9 Tsy misy misotro divay intsony ny olona

eo am-pihainoan-kira;

ary mangidy amin’ny mpisotro azy,

ny fisotro mahamamo.

10 Rava ny tanàna fikorontanana;

mirindrina tsy azo idirana, ny trano rehetra.

11 Mihorakoraka eny an-dalambe ny olona,

fa tsy misy ny divay;

lasa tsy eo intsony ny hafaliany rehetra;

foana niala tamin’ny tany ny firavoravoana.

12 Korontan-javatra foana sisa, eo an-tanàna;

ary ny vavahady montsamontsana dia efa ravarava.

13 Fa ny hanjò ny eo afovoan’ny tany

eo amin’ny firenena,

dia tahaka ny amin’ny fikapohana ôliva,

tahaka ny amin’ny fitsimponam-boaloboka,

aorian’ny fitoazana azy.

14 Izay ireo manandratra ny feony, dia mihira;

mihoby, eny amin’ny ranomasina, ny voninahitr’i Iaveh hoe:

15 «Miderà an’i Iaveh, ianareo, any amin’ny tany atsinanana,

dia ny Anaran’i Iaveh, Andriamanitr’i Israely,

any amin’ny nosy any andrefana.»

16 Renay avy hatrany am-paran’ny tany, ny hira hoe:

«Voninahitra ho an’ny marina!» –

Fa hoy aho: «Maty aho!

Maty aho, loza ho ahy!

Ny mpandroba mandroba, ny mpandroba mandroba tsy anerany!»

17 Fampitahorana sy longoa amam-pandrika

no mahazo anao, ry mponina amin’ny tany.

18 Izay mandositra noho ny antso mampatahotra ho latsaka an-davaka,

ary izay miakatra avy ao afovoan’ny longoa ho voan’ny fandrika.

Tohin’ny tononkalo momba-ny fitsarana

Fa ny vavahadin-drano ambony, mivoha;

ary ny fanorenan’ny tany, mihozongozona.

19 Mitresaka mafy dia mafy ny tany;

mipoaka mikotrokotroka ny tany;

mihozongozona mafy ny tany;

20 mivembena, hoatra ny olona mamo ny tany;

mitsingevingevina, hoatra ny fandriana mihantona izy;

mitambesatra aminy ny tsy fahamarinany;

mirodana tsy ho tafarina intsony izy.

21 Amin’izany andro izany i Iaveh hisava

any ambony ny tafika any ambony,

ary etỳ an-tany ny mpanjakan’ny tany.

22 Dia hatambatra efa voababo eny amin’ny hantsana

sy hohidiana ao an-tranomaizina izy ireo,

ka afaka andro maro be, vao hovangiana indray izy.

23 Ary ny volana hihamena, ny masoandro hivaloarika,

fa i Iavehn’ny tafika hanjaka

ao an-tendrombohitra Siôna sy ao Jerosalema,

ary ny voninahitra hamirapiratra eo anatrehan’ny loholony.

Vavaka fisaorana

1 Iaveh ô, Andriamanitro Ianao;

hankalaza Anao aho, hidera ny Anaranao aho,

fa efa nanao zava-mahagaga Ianao;

mahatoky sy maharitra ny fikasanao vita ela.

2 Fa ny tanànanataonao zary korontam-bato,

ary ny tanàna mimanda, nataonao zava-drava,

ny trano mimandan’ny barbarianina, tsy mba tanàna intsony,

sady tsy hatsangana mandrakizay.

3 Noho izany ny firenena mahery anankiray hanome voninahitra Anao;

ny tanànan’ireo firenena mahatsiravina hanaja Anao.

4 Ianao no trano mimanda ho an’ny osa,

trano mimanda ho an’ny mahantra anatin’ny fahoriany,

fialofana amin’ny hainandro midaindaina,

fa ny fifofofon’ny mpanao jadon’ny mpanjaka

dia toy ny ranonoram-baratra miantonta amin’ny ampiantany.

5 Toy ny firehitry ny hainandro amin’ny tany karankaina,

no amolahanao ny fidohadohan’ny barbarianina.

Toy ny andresen’ny aloky ny rahona ny firehitry ny hainandro,

no handresena ny akoram-pandresen’ny mpampahory.

Fanasana amin’ny andron’ny Mesia

6 Hanomanan’i Iavehn’ny tafika

amin’ity tendrombohitra ityho an’ny firenena rehetra,

fanasanaamin’ny hena matavy,

fanasana amin’ny divay ela niotrehana,

hena matavy sy be tsoka,

divay ela niotrehana sy voatantavana.

7 Hotriariny eto amin’ity tendrombohitra ity

ny voaly manarona ny olona rehetra,

mbamin’ny rakotra mandrakotrany firenena rehetra.

8 Ny fahafatesana hofoanany tsy hisy mandrakizay;

I Iaveh Tompo hamafa ny ranomaso amin’ny tava rehetra;

ny henatry ny vahoakany hoesoriny

tsy hisy amin’ny tany rehetra;

fa efa niteny i Iaveh.

9 Izao no holazain’ny olona amin’izany andro izany:

Indro ny Andriamanitsika

izay niankinantsika mba ho voavonjy;

dia i Iaveh izay nantenaintsika.

Aoka isika hanao fifaliana sy hiravoravo amin’ny famonjeny.

10 Fa ny tanan’i Iaveh

hipetraka amin’ity tendrombohitra ity;

ary i Moaba kosa, hohosihosenaan-toerana,

toy ny fihosihosy mololo ao an-dobon-jezika.

11 Haninji-tanana ihany izy, ao anatin’izany fotaka izany,

toy ny mpilomano maninji-tananahilomano;

nefa haetrin’i Iaveh ny avonavony,

na hanampatra ny heriny rehetra aza ny tanany.

12 Ny mandanao avo be, harodany, hazerany,

hatontany amin’ny tany, anatin’ny vovoka.

Hira fandresena

1 Amin’izany andro izany hohiraina

ao amin’ny tanin’i Jodàizao hira izao:

«Manana tanàna mafy isika! Ny famonjeny no ataony

mandany sy manda ivelany.

2 Vohay ny vavahady, avelao hiditra ny firenena marina,

mitana ny fahamarinana.

3 Ny fo mahalefitra iantohanao fiadanana,

dia fiadanana noho izy matoky anao.

4 Matokia an’i Iavehmandrakizay ianareo,

fa vatolampin’ny taona rehetra i Iaveh.

5 Manetry izay nonina any amin’ny havoana Izy;

naniva ny tanàna miezinezina,

naniva azy amin’ny tany,

nataony mikasika ny vovoka Izy

6 ka voahosihosin’ny tongotra izy,

dia ny tongotry ny ambany toerana sy ny dian’ny ory.»

Salamo

7 Voaravona ny sakeli-dalan’ny marina;

mahitsy ny lalana izay areninao ho an’ny marina.

8 Koa teo amin’ny lalan’ny fitsaranao no niandrasanay Anao, ry Iaveh,

ny Anaranao amam-pahatsiarovana Anao,

no fanirian’ny fanahinay.

9 Ny fanahiko maniry Anao mandritra ny alina;

ary ny saiko ato anatiko, nikatsaka Anao.

Satria raha mihatra amin’ny tany ny fitsarànao,

dia tonga mahalala ny fahamarinana ny mponina amin’izao tontolo izao.

10 Raha omena famindram-po ny ratsy fanahy

dia tsy mahalala ny fahamarinana;

ka na eo amin’ny tanin’ny fahamarinana aza izy dia manao ratsy,

sy tsy mahita izay fiandrianan’i Iaveh.

11 Ry Iaveh ô, ny tananao efa voaainga tsy hitan’izy ireo.

Fa ny zotom-ponao ho an’ny olonao kosa ho hitany

ka hangaihay izy ireo;

ho levon’ny afo natao handevonana ny fahavalonao.

12 Ry Iaveh ô, hiantoka fiadanana ho anay Ianao,

fa ny asanay rehetra

dia Ianao no nanatanteraka azy ho anay.

13 Ry Iaveh Andriamanitray ô, nisy tompo hafa noho Ianao

efa nanapaka anay koa;

fa noho Ianao irery ihany no ahazoanay mankalaza ny Anaranao.

14 Ny matytsy ho velona intsony, ny matoatoa tsy mba hitsangana,

fa efa nosavanao izy ka naringanao,

sady nolevoninao avokoa ny fahatsiarovana azy.

15 Nampitomboinao ny firenena, ry Iaveh,

nampitomboinao ny firenena sy nahariharinao ny voninahitrao;

nitarinao halalaka ny faritry ny tany.

16 Nitady Anao izy, nony azom-pahoriana, ry Iaveh ô,

noborahiny ny fitarainany, raha nokapohinao izy.

17 Tahaka ny vehivavy bevohoka madiva ho teraka,

miolanolana sy miantsoantso eo amin’ny fijaliany,

tahaka izany izahay eo anatrehan’ny tavanao, ry Iaveh.

18 Fa efa bevohoka izahay, efa nihetsi-jazaizahay,

dia tsy niteraka afa-tsy rivotra.

Tsy nanome ny famonjena ho an’ny tany izahay,

ka tsy nisy mponina teraka ho an’izao tontolo izao.

19 Ho velona indray ny olonao efa maty;

hitsangana indray ny fatin’ny oloko.

Mifohaza, ka manaova hobin-kafaliana,

ianareo izay mandry eo amin’ny vovoka,

fa ny andonao, ry Tompo, dia andon’ny fahazavana;

ary ny tany hamoaka indray ny maty.

Tenin’Andriamanitra

20 Mandehana, ry vahoakako, midira ao an’efitranonao,

ka mirindrìna varavarana ianao rehefa ao;

miere vetivety foana,

mandra-pahalasan’ny fahatezerana.

21 Fa indro i Iaveh mivoaka avy amin’ny fonenany,

hizaha ny tsy fahamarinan’ny mponina amin’ny tany;

ary ny tany hampiseho ny raizay nofohiny,

ka tsy hanafina intsony izay novonoina teo aminy.

1 Amin’izany andro izany i Iaveh hamaly,

amin’ny sabanysady lehibe no mahery,

an’i Leviatàna ilay menarana faingam-pandeha,

an’i Leviatàna ilay menarana miforiporitra,

ka hamono ilay bibibeizay ao an-dranomasina.

Ny voalobok’i Iaveh

2 Amin’izany andro izany no hilazana hoe:

Tanimboalobokaanankiray ahazoana divay mahery, mihirà ho azy!

3 Izaho Iaveh no miambina azy;

manondraka azy mandrakariva Aho;

ary sao hisy olona hiditra ao aminy,

miambina azy andro aman’alina Aho:

4 tsy manan-katezerana intsony Aho.

Aiza no hahitako tsilo

sy hery hiadiako?

Dia hiroatra hamely an’ireo Aho, ka hodorako izy.

5 Afa-tsy raha mifikitra amin’ny fiarovako ny olona,

ka manao fihavanana amiko,

ka Izaho no anaovany fihavanana!

Hosoavina i Jakôba, hosazina ny mpamoritra

6 Amin’ny andro ho avy i Jakôba handatsa-paka,

i Israely hamony sy hitsimoka,

ary hofenoiny amin’ny vokany izao tontolo izao.

7 Moa nasiana toy ny namelezana an’ireo namely azy va izy?

Moa novonoina toy ny namonoana an’ireo namono azy va izy?

8 Nofaizinao amin’ny sazy antonony izy, nataonao sesitany.

Noroahiny tamin’ny rivotra mahery

tamin’ny andro misy rivotra avy atsinanana.

9 Toy izao no hahavoaonitra ny helok’i Jakôba,

ary izao no ho vokatra rehetra amin’ny famelana ny fahotany.

Rehefa ny vaton’ireo ôtely no hataony

manjary vovoka manahaka ny vato sokay,

dia tsy hatsangana intsony ny aserah sy ny sarin’ny Masoandro.

10 Fa ny tanàna mimandaefa zary tany foana,

fonenana lao sy nilaozana, tahaka ny efitra;

zanak’omby no miraotra ao,

mandry sy mihinana ny rantsan-kazo ao.

11 Rehefa maina ny rantsan-kazo dia tapahina;

ka dia avy ny vehivavyhitaina azy.

Fa firenena tsy hendry izy,

ka tsy hamindra fo aminy Ilay nanao azy,

ary tsy hiantra azy Ilay namorona azy.

Tenin’Andriamanitra

12 Amin’izany andro izany dia hisy zavatra toy izao:

hahintsan’i Iaveh ny vary

hatramin’ny masondranon’ny Ony,

ka hatramin’ny lohasahan-driakan’i Ejipta,

dia hotazana tsirairay ianareo, ry zanak’i Israely.

13 Ary hisy zavatra toy izao amin’izany andro izany:

haneno ny trômpetra lehibe,

ka izay very tany amin’ny tanin’i Asora,

mbamin’izay voasesitany, tany amin’ny tany Ejipta,

dia hody ka hiankohoka eo anatrehan’i Iaveh,

ao amin’ny tendrombohitra masina, ao Jerosalema.

Fampitandremana an’i Samaria

1 Loza ho an’ny diadema be avonavon’nympimamo ao Efraima,

sy ny voninkazo mora malazo famirapiratan’ny fihaingoany,

eny an-tampon’nylohasaha lonaka

misy an’ireo lehilahy mamon’ny divay.

2 Indro fa misy fahavalomahery sy mahefa

avy amin’ny Anaran’ny Tompo,

tahaka ny oran-kavandra aman-tafio-drivotra mpandrava,

tahaka ny ranonorana be mivatravatra ka manafotra;

dia hanjera azy mafy amin’ny tany.

3 Hohosena amin’ny tongotra

ny diadema be avonavon’ny mpimamo ao Efraima.

4 Ny voninkazo mora malazo famirapiratan’ny fihaingoany,

eny an-tampon’ny lohasaha lonaka,

hanahaka ny voan’aviavy masaka alohan’ny fahavaratra:

izay mahita azy,

raha vantany vao mahazo azy an-tanana mandrapaka azy.

5 Amin’izany andro izany i Iaveh ho diadema mamirapiratra

sy fehiloham-boninahitra ho an’ny sisan’ny vahoakany,

6 ho fanahy fahamarinana ho an’izay mipetraka eo amin’ny seza fitsarana,

ary ho hery ho an’izay manohana ny fahavalo mananika am-bavahady.

Fitenenana an’ireo mpisorona sy mpaminany sandoka

7 Ireo koamandraingiraingin’ny divay, jembin’ny zava-pisotro mahery,

na mpisorona na mpaminany samy jembin’ny zava-pisotro mahery,

rendriky ny divay, jembin’ny fisotro mahery,

mandraingiraingy eo am-paminaniana, mivembena eo am-pitsarana;

8 feno lo maloto ny latabatra rehetra,

tsy misy fitoerana intsony.

9 «Iza no tadiaviny hampianarinafahendrena,

ary zovy no tadiaviny hamoasana ny fianarana?

Ny zaza vao notazana,

vao mitsaha-nono va?

10 Fa didy manampy didy, didy manampy didy,

fitsipika manampy fitsipika, fitsipika manampy fitsipika,

mbetika izao, mbetika izany.»

11 Eny àry, fa olona mibadabada

sy amin’ny fitenim-pirenen-kafa,

no hitenenan’i Iaveh amin’ity vahoaka ity.

12 Niteny Izy nanao hoe: «Ity no fitoerana fitsaharana;

avelao hiala sasatra ny reraka;

ity no fanamaivanana;» –

kanefa tsy nety nihaino izy ireo.

13 Noho izany, ho azy ireo ny tenin’i Iaveh,

dia «ho didy manampy didy, didy manampy didy;

fitsipika manampy fitsipika,

mbetika izao mbetika izany»;

mba handeha izy ireo, ka ho lavo mitsilany,

ho torotoro ary ho voasambotra amin’ny fandrika.

Fitenenana an’ireo mpanoro hevi-dratsy

14 Koa mihainoa ny tenin’i Iaveh ianareo, ry olona mpananihany,

lehiben’ny vahoaka eto Jerosalema.

15 Ianareo manao hoe: «Efa nanao fanekena tamin’ny fahafatesana izahay;

efa nanao fifanarahana tamin’ny Seoly izahay,

ka dia handalo ho lasa ny loza manafotra fa tsy hahatratra anay,

fa efa nanao ny lainga ho fialofana izahay,

ary ny fitaka ho fierena.»

Tenin’Andriamanitra

16 Noho izany, izao kosa no lazain’ny Tompo Iaveh:

«Indro aho efa nametraka vatoho fanorenana ao Siôna

dia vato voatsapa toetra,

fehizoro, sarobidy, voaorina mafy:

izay miankina aminy amim-pinoana, tsy mba handositra.

17 Ny rariny no hataoko fitsipika,

ary ny fahamarinana no hataoko fandanjàna.»

Tohin’ny tononkalo mamely ireo mpanoro hevi-dratsy

«Ka ny lainga fiarovana hopaohin’ny havandra;

ary ny fierenao hindaosin’ny rano.»

18 Ny fanekenareo amin’ny fahafatesana hofoanana;

ary ny fifanarahanareo amin’ny Seoly, tsy haharitra;

fa rehefa handalo ny loza manafotra,

homontsaniny ianareo;

19 Isaky ny avy izy, hahatratra anareo,

fa ho avy izy rahampitso sy rahampitso andro aman’alina;

ny fangorohoroana ihanyno hanao fananarana anareo!

20 Satria: fohy tsy misy hitsorana, ny farafara;

ary kely tsy ampy hirakofana ny firakotra.

21 Fa i Iaveh hitsangana, toy ny tao an-tendrombohitra Farasima;

sy hirimorimon’ny hatezerana, toy ny tao an-dohasahan’i Gabaôna,

hahavita ny asany, asa tokana aman-tany,

hanatanteraka ny lahasany, lahasa hafa noho ny fanaony!

22 Koa ankehitriny atsaharo ny hanihaninareo,

fandrao mihamafy ny fatoranareo;

satria efa reko fa misy fandringanana voatendrin’

i Iavehn’ny tafika hahazo ny tany rehetra.

Fanoharana amin’ny mpiasa tany

23 Mampandria sofina, ka mandrenesa ny feoko,

mihainoa tsara ka mandrenesa ny feoko:

24 Moa ny mpiasa tany izay mihevitra ny hamafy,

dia miasa tany hatrany hatrany

sy miasa tany ary mamaky bainga ihany?

25 Rehefa voaravony ny tany,

moa tsy dia hapariakany va amin’izay ny nigela sy hafafiny ny komìna,

ary hataony mitandahatra tsara ny frômenta sy ny orja

amin’ny anjara toerany;

ary ny epaotra kosa, eny an-tsisiny?

26 Ny Andriamaniny no nampianatra azy

izany fitsipika izany, sy nanoro azy.

27 Satria tsy mba ny rambaramba no fivelezana ny nigela,

ary ny komìna tsy kodiavana kodiaran-tsarety;

fa ny nigela velezina amin’ny tehina,

ary ny komìna amin’ny tsora-kazo.

28 Ny frômentahosena,

fa tandremana tsara ny tsy hivelezana azy lava;

atosika ho eo aminy ny kodiaran-tsarety,

mbamin’ny soavaly, nefa tsy torotoroinaizy.

29 Izany koa dia avy amin’i Iavehn’ny tafika;

mahagaga amin’ny fisainanay Izy, sady be no azony enti-manatanteraka.

Momba an’i Ariela

1 Loza ho an’i Ariela, dia i Ariela,

ilay tanàna nilasian’i Davida!

Ampio taona ny taona,

aoka ho tafatsingerina ireo fety lehibe,

2 dia hoporetiko mafy i Ariela,

ka tsy hisy afa-tsy sento amam-pitarainana ao;

fa ho tahaka an’i Ariela ho ahy izy;

3 Izaho hitoby manodidina anao,

hanisy miaramila hanemitra anao,

ary hanangana manda hamelezana anao.

4 Haetry ianaoka avy amin’ny tany no hisandratan’ny feonao,

ho re avy amin’ny vovoka ny feonao mimonomonona,

hivoaka avy amin’ny tany toy ny an’ny matoatoa, ny feonao;

ary hiakatra avy amin’ny vovoka,

toa bitsibitsika malemy, ny teninao.

5 Ny habetsahan’ny fahavalonao, ho tahaka ny vovoka madinika;

ary ny habetsahan’ny mpiady, ho toy ny akofa manidina.

6 Ary indro fa amin’izay dia tampoka sy amin’ny indray mipy maso

no hisavan’i Iavehn’ny tafika anao,

amin-kotrokotroka, kotro-baratra, rohondrohona mafy,

tadio, tafio-drivotra, ary lelafo mandevona.

7 Ary ho tahaka ny nofy, tahaka ny fahitana amin’ny alina

no hahazo ireo firenena maro rehetra izay hiady amin’i Ariela,

sy izay rehetra hanafika azy sy ny tranony mimanda,

sy hamoritra azy mafy.

8 Tahaka ny olona noana, manonofy hoe mihinana,

kanjo nony mahatsiaro dia foana ny fanahiny;

ary tahaka ny olona mangetaheta manonofy hoe misotro,

kanjo nony mahatsiaro, anan’ny hasasarana sy mangetaheta ihany izy.

Dia tahaka izany no hahazo an’ireo firenena maro ireo,

izay mandeha hamely ny tendrombohitra Siôna.

9 Migagà ianareo, ka aoka hitanàka foana ianareo!

Manajambà tena ianareo, ka aoka ho voajamba!

Mamo izy ireo nefa tsy tamin-divay,

mivembena izy ireo nefa tsy tamim-pisotro mahery.

10 Fa i Iaveh no nampidinaao aminareo

fanahy mampatoritory;

nakimpiny ny masonareo – ny mpaminany izany;

nosaronany ny lohanareo – ny mpahita izany.

Fanambaràna tsy ho fantatra

11 Ary ny fahitana rehetra aminareo,

dia tonga toy ny teny amin’ny boky voaisy tombon-kase;

ka atolotra ny olona mahavaky teny izy,

atao hoe: «Vakio ity»,

dia valiany hoe: «Tsy azoko atao, fa voaisy tombon-kase ity boky ity.»

12 Atolotra ny olona tsy mahavaky teny indray

atao hoe: «Vakio ity»,

dia valiany hoe: «Tsy mahavaky teny aho».

Tenin’Andriamanitra

13 Ary hoy ny Tompo: «Satria ity firenena ity

manatona Ahy amin’ny vavany

sy mankalaza Ahy amin’ny molony,

nefa ny fony ampanalaviriny Ahy,

ary ny fivavahana ataony amiko dia didy nianarany tamin’olombelona,

14 noho izany mbola hanohy ny fanaovana zava-mahagaga Aho,

amin’izany vahoaka izany, dia zava-mahagaga tsy fahita,

tsy fahita amin’ity firenena ity.

Ka ny fahendren’ny olon-kendrinyho foana,

ary ny fahazavan-tsain’ny mpampianatra azy hihamaizina».

Fitenenana an’ireo mpanoro hevi-dratsy

15 Loza ho an’izay manafina lalina tsy ho hitan’i Iaveh,

ny hevi-mifonovoakasany,

sady manao ny asany ao amin’ny maizina,

ka manao hoe: «Iza no mahita antsika sy mahalala antsika?»

16 Hadalana re izany: Hatao ho tanimanga va ny mpanefy tanimanga

no ilazan’ny taozavatra ny mpanao azy hoe:

«Tsy nanao ahy izy».

sy ilazan’ny siny amin’ny mpanefy hoe:

«Tsy mahalala na inona na inona izy?»

17 Tsy vetivety foana va

dia ho zary saha misy hazo mamoa i Libàna,

ary ny saha misy hazo mamoa dia hatao ala?

18 Amin’izany andro izany, ny marenina handre ny tenin’ny boky,

ary ny jamba hivoaka amin’ny haizina amana haizim-pito ka hahita.

19 Ny manetry tena hitombo hafaliana hatrany, amin’i Iaveh,

ary ny mahantra indrindra hientan-kafaliana ao amin’Ilay Masin’i Israely.

20 Satria lasa tsy hita intsony ny mpampahory

ary maty ny mpaniratsira

ary ho ringana izay rehetra mamoron-tsain-dratsy,

21 dia ireo manameloka olona noho ny teniny indraimbava;

mamela-pandrika ho an’izay namaky betroka azy eo am-bavahady;

ary mamery ny marina amin’ny laingany.

22 Noho izany, izao no lazain’i Iaveh amin’ny taranak’i Jakôba,

dia Izy izay nanavotra an’i Abrahama:

«Tsy hisy hahamenatra an’i Jakôba intsony

tsy hivaloarika intsony ny handriny.

23 Fa izy sy ireo taranany, rehefa mahita

ny asan’ny tanako eo aminy,

dia hanamasina ny Anarako izy ireo»,

hanamasina an’Ilay Masin’i Jakôba izy ireo,

ary hanaja ny Andriamanitr’i Israely.

Ireo Mivily saina, hianatra fahendrena,

ary ireo mimonomonona, handray fampianarana.

Teny famelezana an’ireo solontena nankany Ejipta

1 Loza ho an’izay zaza maditra – teny ton’i Iaveh,

izay manao fikasana nefa tsy ombako;

sy manao fanekem-pivavahana, nefa tsy omban’ny fanahiko,

ka manampy ota ny ota.

2 Dia midina eny amin’ny lalana mankany Ejipta izy ireo

nefa tsy manontany ny vavako,

mba hialoka eo ambany fiarovan’i Faraôna

sy hialokaloka eo amin’ny alokalok’i Ejipta.

3 Hody henatra ho anareo, ny fiarovan’i Faraôna;

ary ho fanalam-baraka ho anareo, ny fialokalofana

eo amin’ny alokalok’i Ejipta.

4 Efa mby any Tanisasahady ireo mpanapaka an’i Jodà;

ary efa tafahoatra hatrany Hanesany irany;

5 Mangaihay avokoa izy noho izany firenena izany tsy hahefa na inona na inona aminy,

tsy hahazoany vonjy na fanampiana

fa henatra sy fahafaham-baraka foana ihany.

Teny hafa famelezana an’ireo solontena

6 Faminaniana ny amin’ireo bibin’i Negeba:

Izy ireo mamakivaky ny tany mampahory sy mampitebiteby,

izay ivoahan’ny liona aman-diona vavy,

ny menarana sy ny dragona manidina,

mitondra ny hareny eny an-damosin’ny ampondra,

sy ny rakiny eo amin’ny trafon’ny rameva,

ho an’ny firenena tsy mahefa na inona na inona.

7 Ho zava-poana sy tsinontsinona ny vonjin’i Ejipta;

izany no iantsoako azy hoe: Ilay be rehaka mipetra-poana.

Fara hafatra

8 Koa ankehitriny mandehana soratyeo anatrehany amin’ny fàfanaizany,

ary ataovy an-tsoratra ao anatin’ny boky,

hany ka amin’ny andro ho avy

dia ho vavolombelona mandrakizay izany.

9 Satria izy dia firenem-pikomiana

zanaka miodina, zanaka mandà,

tsy mihaino ny lalàn’i Iaveh.

10 Izy ireo manao amin’ny mpahita hoe: «Aza mahita»;

sy amin’ny mpaminany hoe: «Aza maminany ny zava-marina aminay,

fa zava-mahafinaritra no lazao aminay;

hevi-dravina no vinanio.

11 Mialà amin’ny lalana, ivilio ny lalana,

esory eo imasonay ilay Masin’i Israely!»

12 Noho izany, izao no lazain’Ilay Masin’i Israely:

Noho ianareo manamavo izany teny izany,

sy mitoky amin’ny fanaovana an-keriny amam-pitaka,

sady manao izany ho fiankinanareo,

13 noho izany, io heloka io ho anareo,

dia ho toy ny mivava efa mila hampianjera

sy efa mandomba eo amin’ny rindrina avo,

izay mirodana tampoka, indray mihelina monja.

14 Ka dia ho montsamontsana hoatra ny fahamontsan’ny vilany tany izy,

izay vakivakin’ny olona tsy itondrany roa,

ary ny vakiny tsy hahitana silany akory

mba hakana afo ao am-patana

na hanovozan-drano ao an-dobo.

15 Fa izao no nolazain’i Iaveh Tompo,

ilay Masin’i Israely:

«Ny fibebahana sy ny fiandrasana amim-piadanana

no hahavoavonjy anareo;

ao amin’ny fitsaharana amam-pahatokiana no herinareo.»

16 Nefa tsy nety ianareo,

fa hoy ianareo: «Tsia,

fa handositra mitaingin-tsoavaly izahay.» –

Eny hoe, handositra ianareo. –

«Himaona mitaingina ny soavaly faingan-tongotra izahay.»

Eny iky, fa ho faingana kokoa izay hanenjika anareo.

17 Raha iray no handrahona, dia arivo no handositra;

ary raha dimy no handrahona, handositra avokoa ianareo.

Mandra-pahatonganareo ho kely sisa,

tahaka ny tsato-kazoeny an-tampon’ny tendrombohitra,

na ny faneva famantarana eny an-kavoana.

18 Izany no iandrasan’i Iaveh vao hamindra fo aminareo izy,

dia hitsangana, ka hiantra anareo;

satria Andriamanitra marina i Iaveh.

Sambatra izay rehetra manantena Azy!

Fanambinana ho avy

19 Fa ianao, ry vahoaka monina ao Siôna, ao Jerosalema,

tsy hitomany intsony ianao,

fa raha vao mitaraina ianao dia hamindrany fo;

raha vao mandre anao Izy dia hamaly anao.

20 Homen’ny Tompo anareo

ny hanim-piahiahiana mafy sy ny ranom-pahoriana;

ary tsy hiery intsony izay mampianatra anao,

ary hahita maso an’izay mampianatra anao ianao.

21 Ary handre sofina ny feo hilaza ao ivohonao hoe:

– Ity no lalana, ka ombao io! –

dia raha ianareo hivily na ho ankavanana na ho ankavia.

22 Hataonareo zava-maloto, ny volafotsy mipetraka amin’ny sampinareo;

mbamin’ny volamena mipetraka amin’ny sariolonareo:

ka harianareo hoatra ny zava-maloto:

«Mialà eto», hoy ianareo aminy.

23 Ny Tompo handefa ny ranonorany amin’ny voa

nafafinao amin’ny tany,

ary ny tany hahavokatra mofo,

tsara tokoa sady betsaka,

amin’izany andro izany ny biby fiompinareo hihinana

eny amin’ny tany fiandrasana malalaka:

24 ary ny omby aman’ampondra miasa ny tany,

hihinam-bilom-bary matsiro,

voakororòka tamin’ny lapela aman-tsahafa.

25 Eny an-tendrombohitra avo rehetra,

eny an-kavoana avo rehetra

hisy sakeli-drano aman-dranovelona,

amin’ny andro famonoam-be,

dia hianjeran’ny tilikambo.

26 Ny hazavan’ny volanaho tahaka ny hazavàn’ny masoandro;

ary ny hazavan’ny masoandro ho avo fito heny,

ho tahaka ny hazavan’ny hafitoana,

amin’ny andro hamelezan’i Iaveh ny ratran’ny vahoakany,

sy hanasitranany ny fery namelezany azy.

Hatao sorona i Asora

27 Indro avy any lavitra any ny Anaran’i Iaveh;

mahamay ny hatezerany, ka tsy tanty ny fahamainy;

mivoaka fisafoahana ny molony;

ary tahaka ny afo mandevona ny lelany.

28 Tahaka ny riaka manafotra ny fofon’ainy;

manafotra havozona,

hanasivanany ny firenena amin’ny sivana fandravana,

sy hanisiany lamboridy mampivily lalana eo amin’ny valanoranon’ny olona.

29 Amin’izany ianareo hiventy hira,

tahaka ny amin’ny alinaankalazana ny fety,

ary ny fonareo hiravoravo

tahaka an’izay miakatra amin’ny feon-tsodina,

ho ao an-tendrombohitr’i Iaveh

hanatona ny vatolampin’i Israely.

30 I Iaveh hampiriadriatra ny feonymiezinezina,

ary hampiseho ny fiantèfan’ny sandriny,

amin’ny firehitry ny hatezerany aman-delafo mandevona;

amin’ny tafio-drivotra aman-dranonoram-baratra sy vato havandra.

31 Dia hangovitra i Asora amin’ny feon’i Iaveh;

hikapoka amin’ny tsora-kazony Izy,

32 ka isaky ny miantefa ny tsora-kazo tsy diso

hampidinin’i Iaveh aminy,

dia hatao mitatatata ny ampongatapakaaman-dokanga,

ary hiady aminy, sady hamely mafy azyIzy.

33 Fa efa voaomana hatramin’ny ela i Tôfeta;

io koa dia efa voaomana ho an’ny mpanjaka.

Nataon’ny Tompo malalaka sady lalina izy;

misy afo aman-kitay betsaka eo ambonin’ny antontan-kitainy;

ny fofon’ain’i Iaveh tahaka ny riaka solifara, no mampirehitra azy.

Teny famelezana an’i Ejipta

1 Loza ho an’ireo izay midina hitady vonjy any Ejipta;

miantehitra amin’ny soavaly,

ary mitoky amin’ny kalesy, noho ny hamaroan’ireny,

sy amin’ny mpitaingin-tsoavaly, noho izy matanjaka;

nefa ilay Masin’i Israely tsy mba andrandrainy;

ary i Iaveh tsy tadiaviny.

2 Izy anefa dia hendry; mahatonga loza, tsy mitsoa-teny,

hitsangan-kamely ny ankohonan’ny ratsy fanahy,

ary handà ny fanampiana

avy amin’izay manao ny tsy marina.

3 Ny Ejiptianina dia olombelona ihany, fa tsy fanahy;

dia haninji-tanana i Iaveh,

ka ho tafintohina izay manampy,

ho potraka izay hampiana,

ary hiara-devona avokoa izy roa tonta.

Iadian’i Iaveh i Asora

4 Fa izao no nolazain’i Iaveh tamiko:

«Toy ny fieron’ny liona

sy ny liona tanora amin’ny rembiny,

raha mivory hanohitra azy

ny mpiandry ondry maro be,

ka tsy resin-tahotra izay horakorak’izy ireo,

na manahy izay hamaroany akory;

toy izany koa no hidinan’i Iavehn’ny tafika mba hiady,

eo an-tendrombohitra Siôna sy eo amin’ny havoany.

5 Tahaka ny vorona mamelatra elatra hanomba ny zanany,

no hiarovan’i Iavehn’ny tafika an’i Jerosalema;

hiaro Izy sy hamonjy, ary handalo sy hanafaka.

6 Koa miverena re amin’Ilay efa nihatahanareo fatratra,

ry zanak’i Israely.

7 Fa amin’izany andro izanyny olona,

samy hanary ny sampy volafotsy aman-tsampy volamena avy

izay nataon’ny tananareo hanotàna.

8 Ary i Asora ho lavon-tsabatra,

nefa tsy sabatr’olombelona;

sabatra izay tsy sabatr’olombelona no handevona azy;

handositra eo anoloan’ny sabatra izy,

ary ny zatovony hampandoavina hetra.

9 Ny vatolampyhandositra aman-tahotra;

ary ny andriandahiny mangovitra handao ny faneva,

– teny ton’i Iaveh – izay manana ny afony ao Siôna,

sy ny fatam-pandoroany ao Jerosalema.»

Ilay mpanjaka manaraka ny marina

1 Indro misy mpanjakahanjaka araka ny rariny;

ary ny mpifehyhitondra araka ny hitsiny.

2 Ka izy ireo dia samy ho fiarovana amin’ny rivotra;

ho fialofana amin’ny ranonoram-baratra;

tahaka ny ranovelona amin’ny tany karankaina;

tahaka ny alo-batolampy eo amin’ny tany foana.

3 Ny mason’ny mahiratratsy hohajambaina intsony,

ny sofin’ny malady, hihaino tsara,

4 ny fon’ny maivan-doha, halaky mahazo an-tsaina;

ny lelan’ny mikodedidedika, hahay miteny mazava.

5 Ny adala tsy mba antsoina hoe andrianaintsony;

ary ny mpihatsaravelatsihy, tsy ho lazaina hoe mahery mahery intsony.

Samy hafa ny adala sy ny andriana

6 Satria ny adala miteniteny foana,

ary ny ratsy no imasoan’ny fony,

mba hanaovany zavatra mifanohitra amin’ny fivavahana;

sy hanononany teny diso manohitra an’i Iaveh,

mba hamelany ny fanahin’ny noana hilendalenda fotsiny eo,

sy hanesorany ny fisotro eny amin’izay mangetaheta.

7 Ny fiadanan’ny mpamitaka dia enti-mamadika,

mamoron-tsain-dratsy izy io,

hamerezany amin’ny lainga ny olona iva toerana,

ary ny mahantra koa, na dia izay milaza zavatra ara-drariny aza.

8 Fa ny andriana manan-kevitra mendrika andriana,

sy hitsangan-kanao asa mendrika andriana.

Ny vehivavy kamo

9 Ry vehivavy tsy manahy, mitsangàna,

mihainoa ny feoko!

Ry zazavavy tsy manahy,

mampandria sofina amin’ny teniko.

10 Raha afaka herintaona mahery andro vitsy,

dia hangovitra ianareo tsy manahy,

fa ny fiotazam-boaloboka tsy hisy;

ny fanangonam-boa tsy hatao.

11 Manàna vadi-po, ry kala mitsilamodamoka!

mangovita, ry kala tsy manahy.

Esory ny fitafianareo sarobidy, mialà akanjo,

misikìna lasàka.

12 Migogogogo ny olona mandondon-tratra

ny amin’ny saha mahafinaritra,

ny amin’ny tanimboaloboka mahavokatra!

13 Eo amin’ny tanin’ny vahoakako,

tsilo sy hery no maniry,

na dia eo ambonin’ny trano firavoravoana rehetra aza

ao amin’ny tanàna ravoravo.

14 Fa ny lapa, nilaozana,

ny tanàna maresaka, zary tany foana;

Ofely sy ny Tilikambo fiambenana,

zary fierem-biby ho mandrakizay,

fikarenjen’ampondra dia,

ary fiandrasana biby fiompy.

Famonjen’i Iaveh

15 Mandra-pampidina ho ao amintsika,

ny Fanahy avy any ambony,

ka ny efitra ho tonga saha misy hazo mamoa,

ary ny sahan-kazo mamoa hatao ala:

16 Amin’izany, ny hitsiny hitoetra any an’efitra;

ny rariny hiorim-ponenana ao amin’ny sahan-kazo mamoa.

17 Ary ny ho vokatry ny fahamarinana dia ny fitsaharana

sy ny fandriam-pahalemana mandrakizay.

18 Ny vahoakako honina eo amin’ny toeram-piadanana,

eo amin’ny trano fonenana mahatoky,

eo amin’ny trano fipetrahana mandry feizay.

19 Nefa ny ala, haripaky ny havandra;

ary ny tanàna, haetry ambany dia ambany.

20 Sambatra ianareo mamafy eny rehetra eny anilan’ny rano,

sy mamela ny tongotry ny omby aman’ampondra, hiriaria.

Salamo fanantenana an’i Iaveh

1 «Loza ho anao, ry mpandrava, mbola tsy noravana,

ry mpandroba, tsy mbola norobaina!

Rehefa nitsahatra ny nandrava ianao, dia horavana;

rehefa tapi-nandroba ianao, dia horobaina.»

2 Iaveh ô, mamindrà fo aminay!

Ianao no antenainay.

Aoka Ianao ho sandrinayisa-maraina,

sy ho famonjena anay amin’ny andro fahoriana.

3 Mandositra ny vahoakamandre ny feon’ny kotro-baratrao

miparitaka ny firenena nony mitsangana Ianao.

4 Hangonina hoatra ny fanangon’ny valala ny babonareo;

mihazakazaka mankao ny olona, hoatra ny andiam-balala.

5 Manerinerina i Iaveh fa mitoetra any ambony Izy;

fenoiny rariny amam-pahamarinana i Siôna.

6 Azo antoka ny andronao;

hanananao be ny famonjena,

sy ny fahendrena amam-pahalalana;

ny fahatahorana an’i Iaveh no rakitrao.

Miditra an-tsehatra i Iaveh

7 Indreo ny lehilahy maheriny, mibabababa eny an-dalambe;

ary ny iraka mitady fihavanana, mitomany amin’alahelo mafy.

8 Ny arabe maty, ny lalana tsy misy mpandeha.

Ny fanekena nivadihany; ny tanàna nafokainy;

ny olona tsy hajainy.

9 Misaona sy milofika ny tany;

menatra sy malazo i Libàna,

zary sahala amin’i Arabah i Sarôna,

manintsan-dravina i Basàna sy i Karmely.

10 «Ankehitriny hitsangana aho, hoy i Iaveh,

ankehitriny hijoro Aho; ankehitriny hisandratra Aho.

11 Torontoronina mololo ianareo, ka niteraka vodivary;

ny fofonainareo ihany no ho afo mandevona anareo.

12 Ary ny vahoaka dia ho memy fandoroan-tsokay,

ho tsilo voatomboka mirehitra anaty afo.

13 Ianareo lavitra, mihainoa ny nataoko;

ianareo akaiky, mahafantatra ny heriko.»

14 Nangovitra ny mpanotaao Siôna,

ary raiki-tahotra ny mankahala fihavanana, nanao hoe;

«Iza amintsika no hahatoetra ao anaty afo mandevona?

iza amintsika no hahatoetra ao anaty lelafo mandrakizay?»

15 Izay mandeha amin’ny rariny, sy miteny amin’ny hitsiny;

izay tsy mety mandray harena azo an-keriny,

izay manifikifi-tanana tsy handray kolikoly;

izay manentsin-tadìny amin’ny resaka handatsa-dra,

mitampi-maso tsy hahita ny ratsy;

16 izany no honina any amin’ny fitoerana avo;

ny trano mimanda miorina amin’ny vatolampy no fialofany,

ny haniny dia homena azy; ary ny ranony tsy hanam-paharitana.

Voninahitra ho avy

17 Ny masonao hibanjina ny mpanjakaamin’ny tarehiny,

hahatsinjo tanymidadasika lasa lavitra.

18 Ny fonao hahatsiaro ny natahorany:

Nankaiza ny mpanoratra? Nankaiza ny mpampiasa nitana ny fandanjàna?

Nankaiza ny lehibe mpanisa ny tilikambo?

19 Tsy ho hitanao intsony ny vahoaka mirehareha,

ny vahoaka manao teny maizina sy tsy fantatra,

fa fiteny tsy fantatra no akanakaniny.

20 Jereo ity Siônatanàna fanaovantsika fety;

aoka ny masonao anie hahita an’i Jerosalema,

fonenana mahasambatra, lay tsy hafindrafindra,

izay tsy hongotana mandrakizay ny tsîmany

sy tsy hanesorana iray akory ny tadiny.

21 Ao marina no honenan’i Iaveh ho antsika amin’ny voninahiny;

ao no misy onyaman-dakan-drano lehibe;

izay tsy ho sahin’ny lakana voizina hidirana na iray aza,

sy tsy hidiran-tsambo lehibe na iray aza.

22 Satria i Iaveh no mpitsara antsika,

i Iaveh no mpanao lalàna ho antsika,

i Iaveh no mpanjakantsika; Izy no hamonjy antsika.

23 Mivaha ny mahazakan-tsambonao,

tsy mahatana ny andrin-tsambo ho eo amin’ny fiorenany izy;

ary tsy mahazona ny sainan-tsambo mivelatra intsony.

Amin’izany mizara babo betsaka ny olona,

ny mandringa avy no hanana anjara babo.

24 Tsy misy mponina manao hoe: «Marary aho!»

Nahazo ny famelana ny helony, ny vahoaka monina ao Siôna.